الضرورة الشعرية والكذاب اللي ما ينصنع

السلام عليكم

وش رايكم في هذا الموضوع ودنا نضحك شوي
على شعارنا في بعض الشطحات اللي مالها داعي
يعني بدعوى انها قصايد يطلعون علينا بالفاظ وكلمات
مالها اصل في اي لغة .. الا ان كان انها من عهد
اللغة السومرية او الفرعونية او لغة الهنود والسنود الله اعلم ..
وبعضهم يجيب لك اشياء غير واقعيه بدعوى القافية والشقر
يعني التكلف الزائد يخلي الشاعر احيانا يدردبها علينا
وبكيفنا نفسرها نطلع لها معنى عسانا ما فهمنا ما يهمه

المهم ودي كل واحد منكم يعرف شي من شطحات الشباب
يجيبها ولا احد يستحي من احد اعتبروها نقد هادف

انا اعطيكم بعض الامثلة

يقول عبدالوحد الزهراني (بغيت اخلي اسمه بس تعرفون القصيده)
واحنا نطرب ونتشلبن معا عالم يابو شلبنا

هيا بالله عليكم وش معنى نتشلبن
الله يشلبن ذا يعرف ولا يعلمنا
وش اصلها في اللغة

ولا شاعر ثاني (معنا هنيه عضو في المنتدى) يقول :
.............................. يستاهـ لونه
طبعا قصده اللون لان البدع يستاهلونه
هيا مذاهي يستاه ... من اي لغة


اما الاشياء الغير واقعيه مثل
شاعر يقول
باقطف الزهر من روس النخيل
في ذمتكم النخلة يجي فيها زهر

وثاني يقول
( مدري وش البيت ) المعنى : صقر .. يخطف ... النعامه
وش كبر الصقر عند النعامة

القصد يا الربع قلوا لشعارنا ولا يهون من يسمع منهم
يخلون الكذاب اللي ما ينصنع
الكلمة اللي مالها معنى .. مالها داعي

ولا تنسون كل يعطينا ما عنده مما سمع
والسلام