نصيبك يصيبك ..........

[poet font="Simplified Arabic,5,white,bold,italic" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,white" filter=""]
نصيبك يصيبك وين ماكنت مايخطيك = وكل عطاه الله نصيبه ومقسومه
ولو تحتمي بالأنس والجن ماتحميك = ولا يملكوا للعبد رزقه ولا يومه
وياليت حظي ياطويل الجدايل فيك = وكل القبايل جعلها منك محرومه
أخبيك عندي لا عيون البشر ترميك = ولا ينظرك غير السما لاكسر حومه
أبغير اسمك يا حبيبي واسميك = أمير الغواني والشهادات مختومه
أنفذ مطاليبك على خير ما يرضيك = ومن لام قلنا ياجبال احملي لومه
على شان تعرف من يعزك ومن يغليك = أخلي نجوم الليل وياك معزومه
تهاوى تسلل فوق راسك ولا توذيك = تصفف مع التيجان للشعر منظومه
تكايد بها العدوان ياكبر ظني فيك = ويتجرعون القهر كاسات مسمومه
كلام الحواسد لا يهدك ولا يبنيك = حكوا ماحكوا الفاظهم غير مفهومه
[/poet]



أختيار اخوكم : فتى السهوه ........