قصيدة ( عزاء وبيعة ) للشاعر الأستاذ : سعيد بن ذياب العمري

إخواني الأجلاء بمنتديات بني عمرو
السلام عليكم ورحمة الله وبركاته وأسعد الله جميع أوقاتكم بالخير والمسرة.
يسعدني كثيرا ويطيب لي أن أعود لمشاركتكم في منتدى الموروث الشعبي الغني بمن يكتب فيه من أستاذة أجلاء , وكتاب وشعراء لهم منا أجل وأعظم الشكر والعرفان .
أما عن مشاركتي فهي بقصيدة للشاعر الأستاذ : سعيد بن ذياب العمري وهو غني عن التعريف وأعظم من أن أعرفه, والقصيدة قيلت أمام خادم الحرمين الشريفين الملك عبد الله بن عبد العزيز حفظه الله بعنوان ( عزاء وبيعة )

]يامن له الأمر من قبل وبعد يا منزل الآيات=لحكمك صابرين وسنتك فينا مواريها
تباركت وتعالى اسمك وما تامر علينا آت=نريد او ما نريداللي يريد الله واليها
فقدنا غالي حبه في قلوب الغلا ما مات=ابوٌ شيخٍ زعيم لدولته عزز مباديها
ألا يا روح فهد المطمئنة بايمن الدعوات=إلى الله راضية مرضيةٍ والعفو حاديها
ألا يا الله تغمره بملايين من الرحمات=وسكنه بجنان الخلد طوباها وعليّها
بحق صراخ طفل ودمع شيخ وزلزلة آهات=بحق الراعي اللي عالرعية كان راعيها
توسع مدخله واكرم نزله بكوثر الجنات=وروّه سلسبيلٍ واطعمهكرمة دواليها
فهد فهد المراجل والمواقف ساعة الزحمات=رسى لحمولها واشتالها وادرك مغازيها
فهد فهد المحبة والسلام وشامخ الرايات=ليا منه بدا يطفي الفتون ونار موشيها
فهد فهد الاعانة ولاغاثة صدق ابو الفزعات=مع اول داعيٍ للخير تلقى اسمه يلاقيها
فهد يا خادم البيتين كم فل اليمين هبات=جعلها مسرح ايمانه وتفكيره يناجيها
لو انه ينفدى جينا ملايينٍ لبو الطولات=نبيع ارواح مجاني وروح الفهد نشريها
لو انا ما نموت ان كان قلنا نكبة النكبات=ولكن البقا لله باولها وتاليــــــــــــــها
سهام الموت ما عنها مصاف ولا لها درقات=تجي مامورةٍ باحكام رب العرش تبريها
يارب احسن عزا آل سعود واكرم وارحم اللي مات=وعاف الحي وارشدهم سبلك اللي انت راضيها
ووحد رايهم وارفع نباهم واصلح النيات=وسددهم على خير البلاد وخير اهاليها
عزانا ياالشعب فيكم يا مال الخير والطيبات=يا بيت الجود يا آل سعود يا فرحة مناديها
اذا بدرٍ غرب يشرق بدر متوهج الطلعات=ويبقى الخير موصولٍ بدار حبنا فيها
يا بو متعب وانا في موقفٍ كله نقا واثبات=أغص بعبرتي ويردها ايماني ويثنيها
يدٍ تمسح دموع الحزن ويدٍ ترسم البيعات=إلى اللي ربه اختاره زعيم القوم باديها
نمد لك اليمين على الوفا في العسر واليسرات=يمينٍ عن جميع الشعب قاصيها ودانيها
يمنٍ ما تغيرها محون ايامنا الصلفات=ولا يخلع لزمها الا بشر ما الله بهاديها
يا عبد الله وحبك له مرابع في صميم الذات=يمين الله كل الشعب يذكرها ويرويها
سألت اللي بحمده سبح الرعاد في المنشاة=ومن جلى النهار بزينته واغطش لياليها
يبك العون والتوفبق والراي السديد البات=وينحك الهدى والنور في ظلمة دياجيها
ويشدد أزرك بسلطان سيفك اينما الوجهات=ويجعل حظكم نور يسمهر في علاليها
يقوله شاعرٍ حب الوطن في ذاكرته ابيات=أرددها وادونها وطول الوقت اغنيها

تقبلوا تحيات : أبو مشعاب