#1
|
||||||||
|
||||||||
![]() بسم الله الرحمن الرحيم
سلامٌ من الله عليكم ورحمة بعـــد أن احيانا الله الى اليوم ,, عُــدنا لم نغب جفاءً بل هي الحيـــاة " نزولا وارتحالا " ولازال بالقلب لكم مكانا ! من العايدين ,, حق عيد رمضان وعيد الحج وكل سنة وانتم بخير حق العام الجديد عندي روايا وايدة بس باحاول اختصــــر ! جرت العادة ,, عندما اجلس خلف مقود سياراتي عاقدا العزم على رحلة طويلة وقبل ربط حزام الامان اربط بين هاتفي ومشغّل الصوت بالسيارة عن طريق البلوتوث وابدأ تشغيل قائمة اليوتيوب على وضع الانتقال التلقائي [ وشيلة ورى شيلة ]اشــــ رايكم بفلسفة الهياط هذي ![]() ما علينــــــــا خلونا ف المهم قبل كم يوم سمعت شيلة بصوت رخيم ورائع اعجبتني كلماتها حيييييييل وجلست اكررها لين تعبت من زينها بعدين طفيت الجوال وقلت ليش ما ابني عليها بقدراتي المتواضعة ابيات تعارضها على فكــــــرة ,, المعارضة في الشعر او ما يسمى حاليا بالمجاراة جائزة بل من ابداعات الشعراء صحيح هناكـ سجال - لا اقول خلاف - بين النقاد حيال الفرق بين الرد والمجاراة والاخوانيات ............ الخ هناكـ من يرى المجاراة يجب ان تتماثل بالوزن والقافية والمعنى والهدف والتوجيه مع جواز او استحباب استخدام مفرادات القصيدة الاساسية خلاف الرد فلا ينبغي تكرار القوافي ومن هــــذاالحكي ! شكلي طولتها شوي , عفوا ! ارجع واقول وكما اقول دائمـــاً إنْ قلت باني شاعراً فقد اذنبت وان جاريت احدا فلعلي اسأت ! ما الحل اذاً ؟ دعوني اقول ,, سمعت شِعرا اطربني فعبّرت عن مشاعري بكلامٍ يشبه الشعر في ظاهره فربما للكل حق في التعبيـــر عن احاسيسه كيفما شاء , مالم يسيء الى غيره اتفقنـــــــــــــا ؟ والا امشي واغيب خمسة شهور ثانية ![]() كأني بكم وافقتم , تقديري لكم . بالمناسبــــــــــة .. لن اسرد ابيات القصيــــــدة التي راقت لي وبالتأكيـــــــــد لن اذكر اسم قائلهـــــــــا فربما لا يرغب في ذلكـ ! اقول ,,,,,,, الشخابيط اللي كتبتها فوق انسوها كلها معي لكم درزن من سطور الكتابة المزدوجة حسبي انها قصيدة ؛ مطلــع سهيــــــــل ومَـــدّة المـزن هتّــان يهمي على روض(ن) عشـــوبه ضوامي ما كل نجـــم(ن) له مـع البــــدو عنــوان ولا كل غيـــــم(ن) هـــزّه البـــرق هامي ومـا كل مـن مـــدّ الجنـــاحـيـن حــوران ولا كل من يطــــرد ورى الصيــد رامـي عنــــدي على ما قلت حِجّــــة وبرهـــان متـواتـــــــرة للي يشــــــــكـ بكــــــلامي سمعت ونّــة مُغـــرم(ن) بـات سهـــران من حينـــــــها هـــمي معكّـــر منـــــامي من يشتكي ضيمه على الـناس غلطــــان مشكى على غـير الآلــه ,, انهــــــزامي نخفي مشـــــاعرنا ورى باب حـــرمـان واســـــرارنا في سجـن روح التســـامي احيـــان اقـول العيب بالنــاس واحيــــان الـوم نفسـي وارجــــع ارخـي حــــزامي كم مـــرّة جيت آرد العِــــــدّ ضميـــــان ورجعت من قبـــل آرد العِــــدّ ضــامي ارضى الضمأ لو كان قـاسي على شـان ما آرد على نبـــع(ن) تجيـــه الهيــامي صنعت لي من عِـــــزّة النفـس نيشـــان ولي شــــان عـند اللي يقـــــدّر مقــامي يا صاحبي ,, ماني على البُعـد ندمـــان نبقى كـــذا ,, مع جـــــــزيل احتـرامي وسلامتكم ادري انها دون مستوى ذائقتكم الرائعة ولكنها هنا .. للنقد والملاحظات واللي ودكم تقولون ,, صدر مغليكم رحب ويقبل ما تجودون به خــــــــــــذوا راحتكم ولكم كل الحب والتقدير واقعـــدوا ف العافية ![]() ![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
أطلع ابو القاسم | فهد0000 | علوم القرآن والسنة والسيرة النبوية | 5 | 10-11-2012 12:42 AM |
ودّي أطلع على سطح القمر مره | سد الوادي | عطر الكلمات | 4 | 09-19-2012 10:46 PM |
قاطعوهم مطلع 2011 لعنهم الله ... | شـيـخـة آلـ غــيــد | المواضيع العامة والإخبارية | 1 | 12-29-2010 11:17 PM |
_______ أطلع من الخفــّــــاق ________ | عجاج السنيني | عطر الكلمات | 12 | 02-05-2009 06:20 PM |
مطلع قصيدة ينتظركم | سعودي جنوبي | عطر الكلمات | 9 | 02-04-2008 12:06 AM |