سبحان من يبقى...

سبحان من يبقى وخلقه يموتون
حقيقةٍ يا كبرها من حقيقة

كم من عزيزٍ بيننا صار مدفون
ما كنّهم عاشوا معانا دقيقة

أمرٍ يفتّ القلب و يذوّب اعْيون
للي تفكّر و اتّضح له طريقه

و ان الحياة ابكبرها طيف مزيون
و العاقل اللي ما يغرّه بريقه

نركض ورى الامال ركضٍ بلا هون
متعلقينٍ بالحبال الرقيقة

ما نعتبر يا ناس ويش صار ويش لون
كنّا نقول اللي حصل في حريقه

يالله يا منّان نطلبْك في العون
على نفوسٍ في الملاهي غريقة

و تردنا ما بين عاصي و مفتون
للشرع نمسك في عُراه الوثيقة

ويالله ترحم كل من غاب مرهون
تحت الصلايا وافرج اعْليه ضيقه

واختم لنا بالخير يا مالك الكون
ولاّ كمال الدين ما احدٍ يطيقه

# ابو فارس #
1438/4/10