صهيل القوافي

ابتدينا بذكر الله ما ابدا بغيره=والصلاة الزكية عالنبي مبتداها
حن هل العهد والميثاق وهل الجزيرة= كلمة العز والتوحيد ربي حماها
العلم رمز ويرفرف على كل ديره= دوله شرعا القران يحكم قضاها
اتبعنا طريق الحق عز وذخيره= والحبال الوثيقه نلتزم في عراها
كلنا اولاد عم وكلنا من عشيرة= سنة المصطفى والكل يتبع هداها
حن حماة البلد من مكبرين الصفيرة= حن حماة البلد لا ما نواها عداها
يا الله يا رب لاعدت السنين الخطيره= راحوا اجدادنا من قبلنا في عضاها
صادقين الوعد والعهد يوم الحشيره= يوم كانت سيوف الحق تاصل مداها
ام خمس الطويله وام خمس القصيره= راحت او راح عسر الوقت يا من قناها
العدو يا حماة الدين لا دق زيره= يلتقينا دروع دون غالي ثراها
ابتعد عن وطنا يا قليل البصيره= دون عز الجزبره مرخصين دماها
من نوانا بشر وجا علينا جريره= توه الموت والنيران يالقا لضاها
نحمد اللي بفضله لم شمل المسيره= ولامان انتشر والدين حقق مناها
للقوافي صهيل والمعاني غزيره= نظمها في سطور المجد وسمع صداها
ما ندور على الزلات نبغي الستيره= والقلوب الرديه ما نقرب رداها
قلت هذي نصيحه للوجيه السفيره= للذي عارفين قدرها وقتداها