غيوم المعاني

غيوم المعاني برقها ناض واعترض
على راس قرقوف التجلْي رشاشها

ولافاض جزل الحرف من صوت مهتوي
ولكن قسا الايام يبكي هشاشها

تشارك سباع القاع مع فارس الوغى
ظواهر وقايعها يبيّن خشاشها

هووت ضربة المؤمن بسيفٍ مواجعه
تسوق الألم والعين يكثر طشاشها

لما غثربت الايام لاتشتكي الوجع
ترى علة الشكوى يميتك نشاشها

ولاتسكن الدار الوخيمة فتمرضك
تطير الطيور وبيضها في عشاشها

تخيّر لصلفات الليالي ماينفعك
جليل المواقف يختلف عن قشاشها

مباريد هرج الشامتين المجهّزة
تقص العظام يلين تلحق مشاشها

(فالأجواد من ذل الملامات تتقي)
ونيران كبد الضد حقده حشاشها

قلوبٍ توالف لك وتأنس بقربها
وبعض القلوب أمراضها من غشاشها

تعالج بصبرك علةٍ عال طبها
ولكن عيون الشر ينزف بشاشها