مبروك يوم الوطن يا دولة المملكة

مساء الخير وصباح الخيرات
بمناسبة اليوم الوطني السعودي حبيت اشاركم بهذه الابيات البسيطة
وهي اقل ماتعبر به المشاعر لكم اشقاءنا الغالين وعسى ايامكم اعياد في اعياد

اقدامنا كل دربٍ للوفا تسلكه
ولا نسينا هل الوقفات وقت المحن

لا صار نجم المصايب يستدير فلكه
وشهب الليالي بعوجات المجاري رمن

هم ذخرنا لا نوينا نارد المعركه
وحنّا لهم ذخر كان انيابها كلحن

مبروك يادولة الشجعان يالمملكه
مبروك عيدك عساه يعود يوم الوطن

يادار شعبك وفاءه ماحدٍ يملكه
يبقى على العهد لو سود السنين اجدبن

مبروك يالقايد اللي كل خشم فركه
ياخادم البيت يا كاسر غرور الزمن

يا مظهر النور في ليلٍ يزيد حلكه
ياصانع المجد لولا حنكتك لم يكن

شعب الكويت لفرحكم بالوفا يشركه
شعبٍ على الطيب والنالات زاد الثمن

مبروك يوم الوطن يادولة المملكه
يادولة المملكه مبروك يوم الوطن