،،،لكِ فقط،،،

سلامات يايمّه من البأس ياأغلى الناس
سلامات ياقلبي وروحي وشرياني

سلامات يانورٍ شعاعه لنا نبراس
وطن حب يغنيني عن بلاد وأوطاني

سلامات يانهرٍ سقاني بدون قياس
سلامات يادمعة وفا تحت الأجفاني

يايمّه هموم البعد في داخلي حراس
وقلبي من أوجاعه بكا لين بكّاني

يايمّه ياروح الحب ياروعة الأحساس
يافيض الغرام اللي عن الكون كفّاني

فديتك ياعشقٍ داخلي طاهر الأنفاس
يسوق السكينة في كياني وينهاني

تجاعيد وجهك وردةٍ هبّها نسناس
ورعشة يدينك نغمةٍ صوتها حاني

أقبّل قدومك وانتخي فيك طنخة راس
وشعرٍ كتبته فيك يدري عن أحزاني

أمل حُب فيض احساس مايقترن به باس
عليك العيون تفيض دمعي وتقراني

بنيتي كيان الصبر والطيب تحته ساس
وهدمتي جدار الخوف في ضحكة أخواني

لو إن المشاعر حبر يكتب على قرطاس
كتبت المشاعر من دمي لين تجفااني