تكفيني ذيك اللحظة !!

جدة :

الساعة : 2.5 الصبح .. !!

/

/

/

ليل .. ونجوم .. وسهر ..

دِلال قهوة .. ريح الهيل .. لون الزعفران .. وقصايد شعر ..

فيها ابتدى موال السمر ..

ومثل القمر ..

خلّي من بين السحايب ظهر ..

يناظرني ومنه ..

ما أملّ النظر ..

ومثل السِحر ..

مشى صوبي بخطواته ..

آآآآه من عيونه وابتساماته .. !!

تعلقت به عيوني ..

وهو مني .. يقرّب .. يقرّب ..

وش أقوووول ؟؟

وش أسوي ؟؟

وين أروح ؟؟

كيف أهلّي ؟؟

ومدّ كفه .. وسلّم ..

ويده ليدي ... احضنت ..

ويدي في يده ... اسكنت ..

مرت أيام .. مدري هي ثواني ؟؟!!

وإبهامه في كفي يرسم معاني !!

كلمني ..

وما سمعت وش يقول ..

الله حسيب إبهامه اللي في كفي يدور !!!

كرر كلامه ..

قال .. يا حبيبتي .. أحبك حيييييل ..

لو بيدي ..

أوقف هاللحظة سنة ..

وأحيا عليها الباقي من عمري أنا ...

ولو يذوب العمر فيني ..

و تموت أحلى سنيني ..

تكفيني ذيك اللحظة .. أبد ...............

والله ماانسى ارتجافه اللي اعتراني ...

ولا عبرتي هاللي معه غصت كلامي ..

والمشكلة ...

إني بفزع ..

قمت من غفوة حنيني .. !!

على صورة (ن) له ...

كانت في يميني ... !!

طاحت ..

وصحتني ... من أجمل أحلامي .. !!

ومع هذا ...

حتى لو ذاب العمر فيني ..

وماتت أحلى سنيني ..

أنا تكفيني ذيك اللحظة ..

أبد ...............

/

/

/

الساعة : 3.5 الفجر ...

العناااا