التًناقُض المحيّر ..؟؟

السلام عليكم ورحمة الله وبركاته ...

صباحكم رضا ربي ومساؤكم ايضاً رضاه ..

اسمحوا لي بتكلم بالعاميه واحاول ان لاأطيل ...

ابغا اسهر وادخن واغازل ..؟؟

صاحب هالعباره ...هو ولد

عاش بين ابوه وامه ودرس وحفظ المناهج كل يوم يسمع نصايح من والديه


والمدرسين كلااااام في كلااااام ؟؟؟؟؟!

ابوه عمره فوق الثلاثين يدخن ويسهرررر الليل ويغازل بنات خلق الله ويسدد فواتير

جوالاته اكثر من مصروف عياله ؟؟

. ولا يصلي بالمسجد وان صلى بالبيت بغير وقت الصلاه ..

وفي العطله يشدّ الرحال لبلاد الشام او مصر او المغرب ..

ومع ذلك يهاوش الولد اذا شافه مع احد يدخن ويحذره ويتوعد به لو يدخن...؟

مدرسينه نصهم يدخن ويطلع منه حركات والفاظ سوقيه ... ومع ذلك يحفظونه

دروس دينيه تدعوا الى عكس مايشوفوه في حياته الاسريه او المدرسيه....

الولد تشتت افكاره وما يدري مين يصدق الواقع او مثالية ابوه ومدرسينه...

قرر يسوي كل شيء يسويه ابوه .... يدخن ويسهرررر ويغازل ويسافر

ولا يصلي بالمساجد.... يعني بيصير نسخه ثانيه من ابوه ... وبالمستقبل

راح يتزوج ويجيب ولد وراح يقلده ولده بكل شيء ويصير نسخه ثالثه.. وهكذا..!


المشكله ان اي واحد راح يناقشه ويوضح له ان هذا خطاء ...راح تكون اجابته

((ابوي قدوتي ومدرسي مثلي الأعلى)) ... !!

صدقوني احنا كمجتمع راح ننجرف الى الاسوء بسبب القدوة والمثل الاعلى

عتبي الكبير جداً على الاب والام ...ومن ثم المدرسه ...نعاني من القدوة

السيئه مع اننا نملك العلم والثقافه ... الاب خريج جامعه وموظف وظيفه مرموقه

ومع ذلك سيء الاخلاق ... يمكن ربه ما اوقعه بشر اعماله علشان كذا استمر

بعمل السيئات... لكن ربي يمهل ولا يهمل ممكن يكون العقاب يقع على ولده

الي رباه على كلااااام بدون فعل يعني يحشي راسه بنصايح وهو يعمل عكسها...

بالله عليكم كيف راح يتقبل الولد اضرار التدخين وابوه يدخن باليوم بكتين او اكثر...!!

نصيحه لا تتعبون انفسكم بمراقبة ابنائكم ونصحهم اذا لم تكونوا قدوة حسنه لهم ..


سلمتم...