زوجووووه عشان يعقل

زوجوه عشان يعقل ويترك خرابيطه

مسائكم / صباحكم خير

اتوقع قضيتي اللي بطرحها بين ايديكم لنقاش واضحه من العنوان

شريحه من الشباب المستهتر وراعي خرابيط مالها اخر متعب والدينه بدنياهم وجايب لهم الضغط والسكر

بطبيعة العاطفه الابويه البحث عن الحلول للاصلاح من هذا الولد

وغالبا مايكون الحل : زوجوه يمكن يعقل ويترك خرابيطه

هالنوع من الشباب : اما يكون راعي بنات أو راعي دخان وملحقاته أو .. أو .. أو ..

هل هالنوعيه كفو زواج ومسؤليه ...؟؟



هل الحل يكون لصلاح هالشباب بالزواج ..؟؟


اتعجب كثير من هالمقوله : زوجوه يمكن يعقل ......!!
طيب واذا ماعقل فالمصيبة اعظمُ

يقول تعالى { إنك لاتهدي من احببت ولكن الله يهدي من يشاء }


ليش ندور لهدايتهم بالزواج ونوهق بنات الناس فيهم..!!!!



والمشكله هالنوع من الشباب الله يهدينا ويهديهم
اول مايقلون له بنزوجك قال: تم يعني استهتار بدون ادنى تفكير


نقاطي الحواريه:
هل الزواج هو الحل الانسب لمثل هالشباب؟
انت لو واحد منهم (لاسمح الله) بترضى تتزوج وانت تدري انك مو كفو زواج ؟
ترضى على اختك تتزوج واحد مستهتر وتقنعها انه بعد الزواج بيتعدل؟




من وجهة نظري : اللي مايتحمل مسؤلية أهله قبل الزواج مستحيل يتحمل مسؤلية زوجته وعياله وزواجه فاااااشل ونهايته الطلاق


آنتظركم , !