تواصيتوا على اعدامي ....

بحـــــاول ... قد مـا أقدر ألملم كل كلمــاتي
وادور لي عذر صادق ولا يكذب على اقلامي

وبجمع لك حروف الأمس حبيبي وامس الآتي
إذا لك قلب يفهمني يحس بكل آلامي

ترى صبري تعب مني , وهون عن مجاراتي
وخلاني مع نفسي أحاكي واقع أحلامي

ولكن مع شروق الشمس بانت لي مساراتي
تحدد لي مصير الوقت - وضوحه بان بالهامي

أثاريك الظلام اللي مسبب لي معاناتي
وانا اللي فيك متأمل ألاقي شمعة أيامي

خساره فيك ماشفته وذي أصغر خساراتي
حسافه يا كيانن طاح في عيني وقدامي

شكيتك للزمن وحده كفيل بكل آهاتي
ولا غيره يواسيني يداوي حرجي الدامي

كثير اللي يعرفونك والا ياكثر صدماتي
قوى قلبك يطاوعهم تواصيتوا على إعدامي

وتضحك لي وانا ودي أجامل فيك بسماتي
وزفراتي وسط صدري أداريها من أعوامي

تظن إنه غفل قلبي تراها من مداراتي
أجامل بس ماودي أبين لهفة الضامي

بعد كل الجروح اللي حسبت وكثر طعناتي
خذيت الصمت لي مهنه مع تعريفي السامي

نصيحة رحلتك ودي تغادر من مطاراتي
غلط عنوانها ماله دول رفت له أعلامي

رسام المشاعر