الشايب والكهله

اسعد الله مساءكم + صباحكم حبايبي وعصابة راسي
الحقيقه هذا ثاني طرح لي هنا بالقسم والقصيده التي سوف تطرح مطلوبه فأتمنى ان تروق لكم وترقى لذائقتكم الشعريه واللي بيعلق ياخذ راحته مافيه شي ....


الشايب اللي مفترش له بساطه
انحاس من كثر التفاكير بالدين
....
ماخذ من الدنيا كثير احتياطه
يشوف كل الناس حوله مجانين
....
صادق ويعطي كاش فوق البلاطه
ماهمته دنيا على حد سكين
....
حوله عجوزه تشتغل بالخياطه
تعطيه من حلو السوالف على الدين
....
قال ابعدي قلبي سببك انجلاطه
سنين وانتي فوق راسي تهلين
....
قالت حرام اللي تقوله عباطه
نسيت عشرة عمر يالشايب الشين
....
وقامت تعدد في حياته نقاطه
قال ابعدي والا توطيتك اللحين
....
وتذكره بايام فيها نشاطه
وتقول وينك انت واللحين انا وين
....
وقالت تقول امي كثير(ن)هياطه
بس اقتنعت وقلت ياكامل الزين
....
واخر مصيبها جابها من خراطه
طلق عجوزه وانتهت صفحت البين
....
تمسكي تحتك هليل الحماطه
واخاف من كثر الثمايل تهدين
....

وسلامتكم

بنشوف من ذا بيقوم مع الشايب ومن ذا بيقوم مع الكهله
اتقبل مروركم وزيارة متصفحي

تحياتي