طلَبتك لا تكلّمني مـدام أن السـلام .. ختـام } لـ آلشآعـر سلمآن بن حثليـن ~

مسّسّآء الجُوري

قضى كل الكلام ولا بقى غير السلام .. ختـام
وداع أجمل ليـال العمـر وأغلاهـا وغاليهـا


فمان الله يا أغلى من سكن بين الضلوع ( وهام
فوادي في غلاه ) بحاضـر الدنيـا وماضيهـا



أبرحل وأنت تدري للظروف القاسيات أحكـام
وصل ركب المفارق والقوافل صـاح حاديهـا


علـى الله يامتاييـه الليـال وقسـوة الأيـام
على الله يالجروح اللي عجز عنهـا مداويهـا


وألا ياقلبي اللي من صواديف الدهـر منظـام
عليك الصبـر وعيونـي طلبتـك لا تبكيهـا


دموع مفارق أحبابـه تشابـه دمعـة الأيتـام
وأنا دمعي عليّ أغلى من الدنيـا ومـن فيهـا


أبا آعلّمْك يالقلـب الحزيـن إن السعـد قـدام
وأنا أدري بأنّك أدرى عن حياتي ويش تاليهـا


كتب حبر القدر حكمه عليك وجفـت الأقـلام
ومواثيق الوصال الغاليـه طاحـت عراويهـا


طلَبتك لا تكلّمني مـدام أن السـلام .. ختـام
بلاش انكمّل ( العشره ) ليا من صرت منهيها

لـ آلشاعر سلمآن بن ضيدآن بن حثلين ~