يابنت ياللي تلبسين الفرنسي

بسم الله الرحمن الرحيم

السلام عليكم ورحمة الله وبركاتــه

قصيــدة أعجبتني وحبيت انقلها لكمـ
طبعاً القصيده مع الأسـف تحكي واقـع مؤلم


القصيــــــــــدة للشاعر / سعيد بن مقبل الأكلبــي

يـابـنت يـالـلي تـلبـسيـن الـفرنـسي=وتــمســسيـنه فـوق الارداف مـسّا
حـمسـتي قـلوب الـمسـاكين حمسي=والـلي يـشوفـك طال ليله ولا امسا
الــناس تــرهــا يــا الـبنـيه تـحسّي=لاتــحســبيـن ان الـعرب مـا تـحسّا
وانـتي عـرضـتي والبضاعه تعسّي=والـلي يـطب الـسوق مـثلـك يـعسّا
ابـــديـــتي الــلي كــان لازم يــدسّي=الــلي عــن عـيون الـخلايـق يـدسّا
والـيوم قـدمـتيـه فـي وسـط تـبسـي=وقـلتـي لـجمـهور الـجويعين كبسا
لـين اجـتمـع وايـل وهـيثـم وعبسي=مثل البساس اليا اروحت ريح بسّا
وجــيهــهم مـثل الـمرايـات مـلسـي=وعــيون مـرطٍ والـمنـاخـير فـنسـا
لامـا الـتفـت كـنه مـجبّس بـجبـسي=خـايـف عـلى الـغتره تعطّف وتقسا
كــنه مــربّط فــوق عــلبـاه حـلسـي=ودك تـسوقـه بـين الاسـنان بـقسـا
بنت الرجال اللي على الخيل ترسي=الـلي وراهـم يـشبـع الـذيـب فـرسا
قـامـت تـغنّج بـين كـدلـك وجـمسـي=واحـمس قـلبـي مـن فـعايلك حمسا
شـومـي عن اهل الدندنه والمجسي=الـلي لـيا ذكـروا هـل الـطيب يخسا
ذولاك مــا يــسوون يـابـنت فـلسـي=لـو جـتهـم الـهيئه يـروحون دعسا
نـسيـتي ان الـلي خـلق جـن وانسي=يـمهـل ولا يـهمـل ولا هـوب يـنسا
قـادر على انه يحبس الروح حبسي=فـي سـاعةٍ كـل الـمخـالـيق خـرسا
ارخـي الـعبـايـه خـلّي الـعود مكسي=حـتى يـجي عـندك عـريسٍ وعرسا
تـبنـين جـيلٍ يـغرس الطيب غرسي=جـيلٍ خـذا فـي سـلم الاجـواد درسا

تقبلوا أطيب التحايـــــــــــــــــــــــا