يا جبرني جبرك الوقت

بسم الله الرحمن الرحيم

يا جبرني جبرك الوقت والوقت جبارٍ وكايد=
وهذا الزمن صعب يا رحمن اعنا على صعباتها=
والصبر ياخوك شجرة سقيها دعوة الخالق تعالى=
وايمانك جذورها واما الفرج في ثمار اغصانها=
وانشدك يا صاحبي عن واحدٍ كل ما شفته لقيتك=
ما بينكم زادت العشرة وبعض الصداقة جايرة=
ولا ادري هو حب ولا غصب ولا محطات وتعدي=
ولا يمكن محبة لاحمد سعيد ولد القاهرة=
مدري علام المساطر والمراسم هواها في يدينك=
واللوحة المستطيلة ما تبي غير زولك جنبها=
وانا اعرفك ذيب ما تصعب عليك العوايق والهوايل=
والذيب يسعى ورى الصعبات وبهمته يجتازها=
والذيب يسعى ورى الصعبات وبهمته يجتازها=

سيد الموقف
سلمت يالذيب بارك الله فيك
ولك كل الشكر على حضورك المشرّف وتواجدك المستمر في قسم الشعر
تقديري وفائق مودتي

صح لسانك ....

والرد جايك .... جايك ... في القريب العاجل

تقديري

الله الله

صح لسانك يالذيب

ننتظر الرد من جبرني الوقت

..

اعذرني على التأخير يا صاحبي ...

الرد /

مرحبا مرحبا يا شاعر كل رمياته وكايد=
يرتكي للحمول الجايرة ما شكى شيلاتها=
بالخصال الحميدة والعظيمه في اخلاقه تعالى=
صان نفسه ويسلم ذا مثيله لنفسه صانها=
ينشرح خاطري والله يشهد ليا بالعين ريتك=
وانت جار المعالي والمعالي لمثلك جايرة=
وانت تسال وانا بجاوبك حظي اقشر ومتردي=
زود عن ذلك الحظ الرديّ الظروف القاهرة=
والذي دانني به حظي الله جعله ما يدينك=
والتوافيق نعمة واطلب الله ونتوازن بها=
يا عسانا عسانا بين خلق الله الناس الاوايل=
والله يعين ذا يسعى ورا عازتٍ ينتازها=
والله يعين ذا يسعى ورا عازتٍ ينتازها

الله يعطيكم العافية ويباركفيكم

شاعرنا القدير جبرني الوقت
صح الله لسانك...
قصيدة متعوب عليها وإبداع لا يستغرب
سلمت وسلم راسك
وأتمنى لك مزيد من التألق والإبداع
ودمت بكل ود

المشاركة الأصلية كتبت بواسطة الخطاف

شاعرنا القدير جبرني الوقت
صح الله لسانك...
قصيدة متعوب عليها وإبداع لا يستغرب
سلمت وسلم راسك
وأتمنى لك مزيد من التألق والإبداع
ودمت بكل ود

الخطاف

صح بدنك ...

وشهادتك شرف وتاج على راسي ...

كيف لا وانت سيد الإبداع ومنبعه ...

اشكرك على مشاعرك الرائعة ولا هنت لا هنت ...

تقديري