ممكن آرائكم .. لتطوير ابتسامات..؟؟

السلام عليكم ورحمة الله وبركاته..


اخواني واخواتي اعضاء منتدى بني عمرو الغالي..
اتمنى تكونوا بألف خير وصحة وسلامة..



<<..خبركم لازم مقدمات..





عموما..
انا اتمنى من كل عضو او عضوة فيكم
يعطيني رأيه لتطوير ابتسامات..
مابي اكون بس انا اللي اتكلم..
<<..عشان ماتقولون بدت مناوي في الاضطهاد
ههههههههههههه
ابي الكل يتكلم.. ويقول وش يبي ..
وافضل الاقتراحات.. نطبقها انشاء الله..





وانا هنا اتمنى من المشرف العام سعيد العمري
انه يشوف اقتراحات وآراء الاعضاء
عشان يشوف الفضل والاحسن..
ونبدأ في تطوير ابتسامات..





بسم الله انا بأبدا ..
اولا : واهم شي المشرفين اتمنى يكون فيه مشرفيه 2 جديدين معي ..
تواجدهم كبير .. لان ابتسامات مشاء الله مواضيعه كثيره..





ثانيا : انا اشوف ان فيه مواضيع مثل مواضيع الصور او مواضيع النكت او
مايشبهها
يعني مو لعبه او شي يبي له ردود كثيره..
.. المفروض انها ماتتعدى صفحتين ثلاث..

اجي لهالمواضيع الاقيها وصلت اكثر من 100 رد
لا والموضوع تغير 180 درجه..

على وشو طيب..؟؟
انا اقول نعطي فرصة للمواضيع الجديده انها تاخذ حقها
بدال ماحنا قاعدين ننفخ في قربه مقطوعه
او نرد بموضوع تغير مساره.. وينهضم حق المواضيع الجديده
انها تنزل في صفحات ثانيه..





ثالثا: الاحظ بعض الاعضاء
اذا كان موضوعه منقول يقول مسروق..
اوكي صحيح حنا في ابتسامات .. بس برضو
محاسبين على كلامنا..
ياعضو انت نقلته ماسرقته..





رابعا: اتمنى تكون مواضيع (التريقه او الحش ) قليل..
بصراحة اشوف اغلب المواضيع كلها حش وتريقه في البنات
وكأن بينا حنا يالبنات والشباب صراع ازلي..!!
اوكي نمزح نضحك نستانس ونوسع صدورنا..

بس بليز مو يصير منتدى ابتسامات كله حش وتريقه في البنات..
فيه مواضيع اشوف انها تستاهل نحطها في ابتسامات
بدال مانقعد نسب ونحش..
وعلى فكره اذا انت ياعضو او عضوة ماتزعل
ترى غيرك يزعل..!!

مااقصد انا ترى هههههههههه
بس والله فيه اعضاء مايتقبلون هالشي..





واتمنى نغير من اساليبنا شوي في التعامل في قسم ابتسامات..
يعني هوشات.. مافيه..
زعل.. مافيه..
حش واجد.. مافيه..
حش قليل.. ممكن..
مشرفين جدد.. فيه..
الرد على مواضيع بحيث اننا نغير مسارها.. مافيه..





وانا متأكده ان كلامي مابيعجب الكل..
لان رضا الناس غاية لاتدرك..

لكن هذي اقتراحاتي انا..
واتمنى منكم تقولون اقتراحاتكم ..
وفي النهايه نأخذ افضل الاقتراحات ونطبقها انشاء الله..


وخير الكلام ماقل ودل..
<<..ولو اني طولتها ههههههههههه





اوكي..
اتمنى تستعجلون بالله..
الترميم يبي له وقت طويل..
ههههههههه





تحيااااااتي..
اختكم..
منـــــ اوش ـــــاوي..

اخت مناوي

اتفق معك فيما يخص موضوع المشرفين

كذلك تعدي الحدود من قبل بعض الاعضاء والتراشق بالكلمات على سبيل المزاح وهذا امر مرفوض لانه يجرح الذوق العام ولا يجب ان يكون وجودنا في منتدى ابتسامات مطية لنقول ما نشاء ونشطح في التوجه

اما حكاية الردود الكثيرة على بعض الالعاب والمواضيع فانا اخالفك جملة وتفصيلا
فان زيادة المشاركات وحتى اذا تعدت المائة مشاركة شئ ايجابي والبقاء دوما للافضل حتى ولو لم يقتنع به الكثيرون

منتدى ابتسامات يسير بخطى جيدة
فقط ينقصه الابداع الكوميدي في فن القصة والرواية الطريفة
ولكنه من انجح المنتديات من حيث وفرة المشاركات وهذا امرمهم جدا

وجة نظري قد تكون خطأ ولا ارجو ذلك

خالص التحية

كويس انك طرحتى الموضوع مناوى

انا بقول اقتراح وهو ان اى عضو يحب يشارك فى الابتسامه ينزل مشاركه وحده باليوم ويرد على المشاركات الباقيه براحته يعنى يمنع منعا باتا وجود اكثر من مشاركه للعضوواحد فى اليوم

هذى وجهة نظرى وانتولكم القرارلكن اتوقع ان كلامى فى صالح الجميع


وبالله التوفيق

السلام عليكم اخوي بعد الوعد..

اشكرك على التعليق..


انا اتكلم عن المواضيع العاديه..
مثل مواضيع النكت والصور او ماشابهها مو الالعاب او المسابقات..
المفروض العضو يرد رد واحد.. على مواضيع الكنت وماشابهها او الصور
او ردين او ثلاثه مااختلفنا انا معاك.. لكن ماتوصل اكثر من مية رد
لان مسار الموضوع يتغير
يجيك عضو مثلا تو دخل الموضوع ويبي يرد
يلاقيه تغير عن مساره
بيهون عن الرد ويغير رأيه
لانه بيحس انه دخل بينهم بالغلط صح..؟؟
لكن متى انا اقول الردود كثيره..؟؟
في مواضيع الالعاب.. المسابقات السوالف كل هذي اللواضيع موجوده
يعني احتاروا وين يسولفون الا بموضوع مافيه سوالف..؟؟
في مواضيع اصلا لازم تكون فيها استمراريه..
مثل الالعاب والمسابقات...
لكن موضوع صور او نكت..
يغيرون اتجاهه وتلاقيهم يسولفون في اشياء بعيده
بتاتا عن الموضوع..
ياخي عندهم ديوانيه وعندهم العاب
وعندهم مسابقات..
يجون يسولفون فيها
ويعطون هالمواضيع حقها في الاستمراريه..

انت فهمت قصدي الحين..؟

انا أأيد الردود الكثيره..
ولكن على مواضيع ومواضيع لا..


تحياااتي..

يعطيك العافية اختي مناوي 00 بالرغم من رجتك الا انك عاقلة 00

عموما : أشكر لك تواجدك المستمر .. وماتقومين به في هذا القسم وغيره واضح للجميع

بالنسبة للمشرفين ان شاء الله عن قريب 00

تقبلي تحياتي

هلا بك سمااا..

انا معاك صح..

اشوف ان العضو يحط موضوع واحد باليوم لا اكثر..
عشان نعطي المواضيع الاخرى حقها..

كلام سليم..


تحيااااتي..

الله الله الله الله..

شوفوا ياناس مين طل علينا بالموضوع..؟؟

سعيد العمري ..

اهلا وسهلا..

اكيد انا عاقله ماتشوف من كبر عقلي
قرب يطلع من اذوني
خخخخخخخخخخخخخخخخ

المهم اتمنى ان الاعضاء يدخلون للموضوع
ويحطون اقتراحات اكثر..

وطبعا الاختيار لك..

انشاء الله الاعضاء مابيقصرون
وبيحطون اقتراحات..
وانت بس تعال اقرا وش كتبوا
واختار..

وحنا تحت امرك..


تشكر على مرورك بمتصفحي..
لاعدمناك..


تحياااتي

طيب اجل ليش صرتوا مشرفين
هنا دوركم
واعتقد عندك الصلاحية لحذف اي مشاركة خارج الموضوع
بدل وجع الراس
فهمتي انتي قصدي

K)

انا معاك صح..
وفهمت قصدك كمان..
بس انت فهمت قصدي..؟؟
انت بالله روح شوف مواضيع لاخي العاب ولاهي مسابقات..
وشوف الردود عليها..
تلاقيها اكثر من ردود الالعاب والمسابقات اللي تستاهل استمراريه..


بس لو حذفنا بيقولو نليه..؟؟ ويزعلون ويقلبون الدنيا ..
وانا والله مو من عادتي احذف الا اذا كان فيه شي
مسئ للاخلاق..
ولو اني ماشفت شي من اعضاء ابتسامات..
كلهم حبوبين..
بس اللي يقرا الموضوع هذا
ويستمر في رده على مواضيع مالها حق استمراريه..
هذاني اقول له بارسل له تهديد
خخخخخخخخخ
قصدي باحذف رده..
عشان يتخذ الموضوع مساره..
ونبقى نتكلم بنفس الموضوع
ترى حتى ابتسامات من حق مواضيعها
انها تاخذ نفس المسار وماتتغير..

بالله نجي للعبه اوصف اللي بعدك..
نقلبها شي + شي = الله يستر..؟؟
مايصير كذا صح..؟؟

اتمنى تقتنعون..


تحيااااتي..