(::) وين أنت يا عوض بن ثاير (::)

سلام عليكم 000 وين عوض يرى بعينه 000 ماهذا 0000 الشيء المحزن 000 كيف ولماذا 0



ياعوض وين أنت يوم أنك زمانٍ ما لفيت
كيف خليت الشليله في الخفى يتضاحكون
وأنت تدري ما على الدنيا قرار ولا دوام
وأكثر الأصحاب هذا اليوم يستقصد خويه
لكن الله يجعله في نار يتصلى بها

بسم الله الحمن الرحيم

السلام عليكم جميعا ،،،،،،،،،،،،،،،،،،،،،،،،،وعليك السلام ياغرمان

انا والله موجود لكن ينتهي العمر والشغل ماينتهي
وانشاء الله ان الحزن برى وبعيد عن ذا الوجيه

اما رد القصيده حاولت انسقها ولكن مااستطعت يبدو ان المشكله لازالت قائمه ولكن اقبلها بشكلها الراهن والمعذره

الرد

انا والله حاضر لكن باطالع لفيت
مثل عين الشمس لو تظهر لنا يتضاح كون
في القصايد ما يعذرنا عمل ولا دوام
غير ودي في القصيد القا رجال منخويه
تشبه الضورين والمطلا في اتصلابها

عوافي يا غرمان ويا عوض ..
نتمنى تجدد الإبداع بحضوركما ونحن في شوق للاستمتاع ببعض القصايد وتراكم مقصرين
في التواجد معنا منذ مبطي فعسى المانع يكون خيراً ..
واصلوا ونحن متابعين ..

وافي يا غرمان

بالفعل إفتقدنا وجود النجم ( عوض بن ثاير ) وعسى المانع خيرإن شاء الله.

الله لا يهينك يا أبا ثاير والحقيقه ما خاب ظني فيك وأنت راعي جميل ووافي 0


أبو ريان يسعدني مرورك وعساك تسلم وأبشر بالسعد لكن أكتبنا عندك في قاموس المساكين ولا تنسى تعطينا من الزكاه 0

المشاركة الأصلية كتبت بواسطة غرمان بن عزيز

الله لا يهينك يا أبا ثاير والحقيقه ما خاب ظني فيك وأنت راعي جميل ووافي 0


أبو ريان يسعدني مرورك وعساك تسلم وأبشر بالسعد لكن أكتبنا عندك في قاموس المساكين ولا تنسى تعطينا من الزكاه 0

حيا الله أبو عزيز ..

صدقني مكتوبين في القلب وليس في القاموس .. ولكن نبحث عنكم فلا نجدكم ..

فكيف أرد عليكم أو أرحب بكم .. أمّا الزكاة فأنتم تعطونها ولا تأخذونها ..

أسلم أسلم عســـــــــــــــــــــــــــــــــــاك تبقى

الثمار الحاليه في الحفظ لكن ما جنيت
ما قدرت آكل وغيري من ثماره يآكلون
والحقيقه خايفٍ يخلط حلاله بالحرام
ولاّ تالي الوقت تشّتد الرياح الموسميه
ثم تدفن كآمل الأشجار تحت ترابها

الله يعطيكم العافيه ياغرمان انت وعوض على هذا البدع والرد بس جاء في خاطري مشاركه وحبيت اشارك بها معكم .

	انا والله يامـا من الامانـي تمنيت ولا يدركون البشر كـل مايتمنـون للهروج الوافيه دايم مقـال ومقـام من جهل صقر الهوى ياكل شويـة والمقام ان مال فان للميله حسابها

الأخ العزيزابو ريان

الأخ الغالي الأشقر

الأخ الطيب المجهول

اشكر مروركم على الموضوع واعذروني على الأنقطاع لانه خارج عن ارادتي واغلب اعضاء المنتدى يعلمون هذا الشى ووو
ولكن للأسف البعض لا يقدر وانا يااخواني لايهمني احد الآ امثالكم بارك الله فيكم فارجو العذره وكلها فتره بسيطه
ونتواصل معكم بصفه مستمره انشاء الله

استلم الرد ياغرمان وارفع الرمي ياولد

الرد
الجناية واضحه لكن والله ماجنيت
وان لعب كالون كوره ملعبها الآ كالون
والمواهب كيف توخذ بالطلاق وبالحرام
وش عليه من موشمة الذراع الموسميه
وانت لك عين بصيره مدها وترابها

المجهول أشكرك على المرور والمشاركه ولكن ليست على اللحن أو الوزن الموجود في القصيده وعساك سالم 0

أبو ريان والله ما خسرت على السيارة أكثر من اللي خسرته على فواتير التيليفون الثابت على شأن المنتدى وعلى شأن وأرضيك وأتجمل من الجميع وأدور على المداخلات المفيده وأنا موجود يومياً ولكن يقول المثل ( عين ترى وعين ما ترى ) وعفاك 0

الشاعر النجم أبو ثاير أشكرك على الردود والتي أرى إنها أوفت بالغرض المنشود والقلوب عند بعضها ولك كل الحب والإحترام 0

اســــــــــــــــــــــــــــــتلم يا أبو ثاير الله لا يهينك


من يوصيني على المعنى وهو صادق وصيت
لكن الموت الحمر من شلةٍ يتلامزون
ما يردون الجميل ولا يردون السلام
وأنا صدّاقٍ وأحب اللي صدق من صدق نيه
والعلوم اللي صحيحه شاهده لأصحابها

العفو يابو ثاير ونورت المنتدى بطلتك بعد الغيبه

العفو غرمان بن عزيز ويعلم الله انك شخص احبه في الله واحتفظ بسبب هذه المحبه في الله لنفسي
ومن ناحية المشاركه فهي كانت مشاركه ماهي على لحن بدعك وردك انت وعوض بن ثاير واما الوزن فكانت على وزن الجناس

تحياتي لكم جميعاً

الله يعطيكم العافية يا شعارنا الغاليين والحقيقة مجرد تواجدكم مفرح فما بالكم بالقصيد
لكم التقدير على ما تقدمون من محتورات ومشاركات جميلة ..

الغالي غرمان بن عزيز ..
مالنا عذر طال عمرك في منتدانا ولازم نجمّل ونتجمل والخسائر من أجله تهون ولابه إلاّ العافية ..
ومسألة ترضيني أو خلاف ذلك هذا مالها علاقة بالمنتدى يا أبا عزيز فلك حق الرضى عليّ ولي حق الرضى
عليك ولكن من غير المنتدى .. ووجودك الدائم يسعدني ويفرحني والله الشاهد ..
وصدقني أنت عزيز وغالي بالمنتدى أو خلافه .. وأعرف أنك رجل لن تظلم نفسك أو المنتدى أو أي شخص
آخر .. وبصراحة والله ما أدري وش غيرك يا أبا عزيز وأنت هنا من الناس اللي لهم مكانة وتقدير ..
هيا سر في الحداب لا يحظرون أهل الصمدة ..