لا هنت يا رأس الرجاجيل

من اروع قصائد الرثاء قصيدة الامير خالد الفيصل في رثاء الملك فيصل رحمه الله

لا هنت ياراس الرجاجيل لا هنت
ولا هان راس في ثرى العود مدفون

والله ما احطك بالقبر لكن آمنت
باللي جعل دفن المسلمين مسنون

منزلك ياعز الشرف لو تمكنت
فوق النجوم اللي تعلن على الكون

سكنت دار المجد يا شيخ واسكنت
شعبك معك وقلوب ناس يحبون

صنت الامانة حافظ ما تهاونت
وعلمتهم وشلون الاشراف يوفون

كم ظالم عاداك واعفيت واحسنت
واخلفت ظن جموع ناس يظنون

بازهد والمعروف والصير كونت
منهاج فيصل المنهج اللي يعرفون.....

تلفتت روس المخاليق وين أنت ؟
وين العظيم و عود الشوف مطعون

كم خافق وقف عقب ما تكفنت
و كم ناظر ذوب سواداه محزون

لو شفت حال الناس عقبك تبينت
مقدار حب الناس للي يودون

مما بقلبي قلت يابوي لا هنت
و إلا انت فوق القول مهما يقولون
صح لسانك يا خالد الفيصل

رغـم المـلام اللي بـ صدري جمعته
لو ترجع وتسأل من تحب قلت أنت

كل ما ارتفع صوت الأذان وسمعته
دعيت ربي يحفظك ... وين ماكنت