العين ما تظهر لك اللي ورى الثوب

قـد أيش .. تـخدعني المظاهر و لا أتوب
ما كنـهـا مرت علي التـجـــــــــاريب

كم و احدٍ يعطيني الهرج مقلـــــــوب
و أنا اعتبرته من خيــار الأصاحيب

الفرق بين الناس في عقول وقلوب
وأسرارهم يعلم بها عالم الغيب

العين ما تظهر لك اللي ورى الثـــوب
كلٍ يظن .. و يخطي الظن و يصيب

اللي يودك مايرى فيك عذروب
واللي شناك يحط فيك العذاريب

إن كان شفت انك من العقل موهوب
لاتستمع لمروجين الأكاذيب

كم من حديث قد لقيناه مكذوب
عن النبي اللي منزه عن العيب

العبد في دنياه غالب ومغلوب
والعمر جاري والليالي دواليب

نجمع مع الأيام حسنات وذنوب
والستر ضافي والعبر في العواقيب

إصبر على الدنيا ترى الصبر مطلوب
واستخدم الحكمة وحسن الأساليب

واحذر تلج عواك في كل عرقوب
محدن بقايل ويش مسريك ياذيب

لا يعتريك الهم والرزق مكتوب
مضمون لك مافيه شك ولاريب

والنفس لاتارد على كل مشروب
حتى توردها لصافي المشاريب

لاتندفع معها ورى كل محبوب
وتعلقك بحبال الآمال وتخيب

إن كان ماتحسب ترى العمر محسوب
في كل يوم تطلع الشمس وتغيب






للشاعر عبدالله الطلحي

سيد الموقف

اشكرك على طرح هذه الدرر لهذا الشاعر المميّز ...

كم و احدٍ يعطيني الهرج مقلـــــــوب
و أنا اعتبرته من خيــار الأصاحيب

الفرق بين الناس في عقول وقلوب
وأسرارهم يعلم بها عالم الغيب

العين ما تظهر لك اللي ورى الثـــوب
كلٍ يظن .. و يخطي الظن و يصيب

اللي يودك مايرى فيك عذروب
واللي شناك يحط فيك العذاريب


تقديري لك يا غالي

سيد الموقف

سلمت يمينكـ

وصح الله لسسان قايلها

هكذا انت دوما رائع في تواجدكـ

وفي حظوركـ مبدع سلمت ولا هنت يا غالي

صح الله لسان شاعرها""ويسلم ذوق ناقلها""