وخوف الكرونه

يازينة الطلعه فى بر مع نوٍّ ونسناس

بعيد عن حجر الوباء وخوف الكرونه

شهر ونا بالبيت ماشفت حي ن من الناس

وموتري متوقف ومْسَكّر البيبان دونه

حار الفكر ما بين قومه ومجلاس

اتعبت مجلاسي ومركاي ضاقت متونه

لا عاد به مسجد 🕌 ولابه علومّ من الناس

وسارت صلاتي في البيت بحدى ركونه

وشْتقْت لخواني ولصحابي وجمع من الناس

ماغير بالجوال نتْنظّر ونتحرَّى علومه

ياالله يامنزل القرآن واخره سورة الناس

وتعلم مصير الكون يارب وعندك علومه

نسْأَلك رحمة وسترك وعفوك عن الناس

وحْم البشر وابعد عن الخلق شر الكرونه

وختامها صلوا على خير مرسول للناس

عليه صلوا كل يوم وكل ما تذكرونه

جمال اطلالة واحرف شكوى تنم عن اصالة
منته لوحدك الكل مثلك يشتكي لامحالة
كورونا لعبة الامم المتقدمة ونتاج مختبراتهم
المتطورة
تحياتي وتقديري

ابشر بالفرج يابو عبد الله ما تضيق الا تفرج .

الله يشفي كل مريض ويرحم من فقدنا
ابدعت في وصفك