سبب تسمية شمر بالطنايا

السلام عليكم....حبيت افيدكم....
عن سبب تسميــــــــــــــــــــــة شمر بالطنايا؟؟؟؟

لقب الطنايا معروف عند شمر وغير شمر من القبائل ولكن هناك من لا يعرف سبب هذه التسميه فشمر يوجد لها اكثر من لقب مثل السناعيس لعبده ولكن حاليا يعم شمر ككل مثل الطنايا الذي يخص زوبع ولكن حاليا يخص شمر ككل واهل اللحيسه للاسلم وغلبا وكبار الصحون ورواق العرب....وساحكي لكم قصه الطنايا حسب علمي والله اعلم
غزا الشريف محمد الحارث ابن ابي نمي ويقال ايضا انه الشريف محمد بن احمد بن محمد الحارث بن الحسن (وهنا اختلاف في تسميه الاب ولكن الاتفاق في ان اسمه محمد) علي بوادي نجد وقدر انه يكسر اغلب القبايل الموجوده ومنها الظفير في مناخ الضلفعه وغزا الدواسر والصقور ومطير وعتيبه حسب المذكور بالقصيده واخيرا علي شمر واستمر المناخ 90 ليله بين الشريف وعبده وكان الانتصار للشريف لولا فزعت بني عمهم من زوبع ودخول المعركه مباشره وهم طنايا وكانت عبده بقياده الطليعه وعند وصول زوبع قلطوا لهم صياني الاكل وعندما شاهد زوبع الصياني طنوا وتلطموا وقال: واحدً منهم حنا محنا جايين ندور الاكل دخلوا المعركه مباشره والمعركه حدثت غرب حايل قريبه من موقق وغنمت شمر بعد هذه المعركه الخيل الاصيله منها الحمدانيه والهدبا والدهما والظبي
وبعد خساره الشريف لحربه حلف انه مايجي ديار شمر وقال هالقصيده

يـمـل عـيـن للشـريـف محـمـد=دمعه تهلهل من شفـا الـراس حـادر
خذينـا الخيـل مـن العـلا لياشتهـن=من البدو والحضر واللبس زين المصادر
وجرينا السبايا مـن الطايـف والحـرم=حلنـا وحليـنـا بـديـار الـدواسـر
وهزنـا بـن حميـد وعنـا تنـحـي=كـره ملاقانـا وسنـد النيـر نـايـر
وخذينا بوادي النير والصقـور عزبـه=صملان اهلهـا عقـب البـلال غايـر
وجينا علي بعـض القبايـل وادبحـوا=وكفوا وعرفوا بـه حمـران النواظـر
وغرنا علي طرش للسويطات بالحفـر=وخلينـا الحـوض الملـيـا خـايـر
وهزعنا بالمسيـر علـي ديـار شمـر=مادبـر المولـي علـي العبـد صايـر
ادلينا بالديره اللي اسمها باسـم اهلهـا=اكـرام اللحـا ايـام حـر المسـاعـر
مناخـنـا لعـبـده تسعـيـن ليـلـه=بالتلعـه الـلـي حصـاهـا جـفـادر
سناعيـس مـن الـهـوش كمـلـوا=.كما دغلوبـن نـش عنـه المغـادر
اليامـا لفونـا زوبـع فـوق ضـمـر=كبـن يـلاوي صرعهـن كـل نــادر
مـن كـل صهـال وكــل اشـمـره=سطيـرن ريغـان العجـاج الاجــادر
وجتنا الجحافـل مـن تالـع والحفـر=تسمـع زغاريـت البنـاات الجواهـر
اليـا وردوهـن كالـغـروب الــورد=وان صدروهـن كاللقـاح الـصـوادر
ونشوف ضـرب سيوفهـم بظهورنـا=مثل حقوق المـزن مـن فـوق ماطـر
حـلـوا بتاليـنـا وانـقـاد جمعـنـا=وايدين بيـص تقطعـن بحـد شاطـر
صكـوا علينـا بسربتـيـن تـذودنـا=هــذا يـوردهـا وهــذاك صــادر
صاحوا علينـا صيحتـن تنثـر الدمـا=وخذوا نـوادي الخيـل والعـج ثايـر
خـذوا نـوادي خيلنـا واكرشـوا بنـا=وحنا علي الطوعـات والكـون عامـر
الخيـل بالفرسـان قـامـت تـذودنـا=مـن دور العيـلات هــذاك عـاثـر
صاحوا علينـا صيحـه ترمـل النسـا=يشيـب المالـود ويـاجـي التـذاكـر
علنـا عليهـم عيلنـت مـن خطانـا=وانـا عـلـي مـاقـدر الله صـابـر
وتجاولنا بالجمـوع باطـراف موقـق=وصارت علينـا مـن كبـار الكسايـر
ونشوف جـدع الخيـل منـا ومنهـم=هشيـم طلـح جابـه السيـل حــادر
وجـانـا صـبـي لاطــال عـمـره=خلي عجـاج الخيـل عـدا الجواسـر
وقمنـا ننخـي كـل قــرم مـجـرب=يالله يـاقـادر عـلـي كــل قــادر
ونخينـا بيـص ويـن ابـن عشـيـه=الياما هفـا حـدر السيـوف الشواطـر
قلت يابيصيابيـص انـح الخيـل عنـا=يابيص يافـرز الوغـي يابـو شاكـر
وورد عليهـم بيـص واحمـر السمـا=وغدت اسروج الخيـل مثـل البواخـر
وتلقـاه طـيـر شـلـوي واعطـبـه=بشلفا تلظـي بيـن الضلـوع شاطـر
وتركنـا بـيـص بـريـع المغـنـي=تمـره القطعـان اليالفـت صــوادر
اليا صدرت من جـو العويجـر تمـره=ممشـاه ليـلـه قـدرهـا بـالاقـادر
ووردنـا الخليفـه تاركيـن اشيوخنـا=عياض وحوشان ومحتمي الخيل ناصر
وخلينـا جبـار والزناتـي وعـبـدالله=غربـي بزاخـه لاسقتـهـا الاقـاطـر
ظيمـي بنـب عمـي مكـارم لابتـي=اركوا علي جبـدي حاميـات المخاطـر
تلفي لبني عمي هـل الجـود والسخـا=اشـراف فـروع القبـايـل مـصـادر
ان انشدوك عن حالنـا عطهـم الخبـر=تـري حـلات العلـم ياتـي مـبـادر
باسباب سرنا ثم غرنا وصارت كسيـره=والراس من كثـر الهواجيـس سـادر
عـزالله انــي مانـويـت حربـهـم=مـارالله اللـي قـدر الامــر قــادر
وحلفت ماجي ديارهم عقـب مامضـي=كـود نتواجـه عـنـد رب المـقـادر
هــذا كــلام للشـريـف محـمـد=يذكـر فعولـن ماضيـن لـه بــوادر
هـذا وصلينـا علـي سيـد البـشـر=اعـداد ماكـبـر بــروس المنـايـر

منقول,,,,

خالد بن الوليد الله يعطيك العافيه على هذِ المعلومه عن شمر ونعم فيك وفي شمر

والله ونعم فيكم