مرثيه في الوالد الله يرحمه رحمة واسعه

يالله يا اللي خالقٍ كــــــــــل الارواح = يا واحدٍ تعلم بخافي الســـــــــــريره
بأمرك نقابل روح بسرور وافــــراح = تقبل على الدنيا بهمّه صغــــــــيره
وبأمرك نودع روح من قبل الأصباح = وتصير داخل الأرض بعد الظهـــــيره
طالبك ترحم من عن المجتمـــــع راح = راحت به الاقدار عن كــــــــــل ديره
الوالد المرحوم عن عيني انـــــــــزاح = اقفى وخلف لي جروحٍ عســــــــــــــيره
جروح ماهي مثل من صابه إجـــــــــراح = لا والله إلاّ جروح حتما ضــــــــــــــريره
فقداه خلاني ضعيفٍ ونــــــــــــــــوّاح = انوح وعيوني دوام سهــــــــــــــيره
والدمع من عيني على قبره انسـاح = والحزن خيم في قلوبٍ كثــــــــــــيره
لكن ما ينفع ولو صاح من صــــــــــاح = ولا الدموع اللي صفتها وفــــــــــــيره
ما ينفع إلا دعوةٍ عدّ مــــــــــــا لاح = برق النصوب اللي تهاطل غـــــــزيره
بالمغفره والرحمه وخير ومــــــــراح = في جنة الفردوس جار وجــــــــــــــيره
ندعي بها في كل مضوى ومســراح = للوالد الغالي ويحسن مصــــــــــــــيره
والله يجعل ما أصابه من اتــــــــراح = تخفيف لأذنوبه وخير وخـــــــــــــيره
والختم صلوا عدّ منتوج الأسيـــــاح = على الرسول اللي نعمنا بخـــــــــــيره

الله يرحمه ويغفر له ويجعل قبره روضه من ريآض الجنه
مرثيه آليمه للكآتب والقآرئ معآ
تجعل الرد ع مثلهآ يدمع لها القلب قبل القلم
ابدعت شاعرنآ

الله يرحمه ويغفر ذنبة ويجعل قبره روضة من رياض الجنه
وبيض الله وجهك وهذا اقل شيء تقدمه للمرحوم

طالبك ترحم من عـن المجتمـع راح ,,راحـت بـه الاقــدار عــن كــل ديــره
الوالـد المرحـوم عـن عيـنـي انــزاح,, اقفـى وخلـف لـي جــروحٍ عسـيـره
,,
الله يرحمه و يصبركم على فراقه ياارب
وصح لسانك هالابيات لامست جدران قلبي
تحيتي

الله يرحمه ويجعل مثواه الجنه
ويصبركم اخي الكريم انت واخوانك
وذويكم جميع كما نساله سبحانه ان يلهمكم الصبر
وان يجزل لكم الاجر والمثوبه...
وصح الله لسانك اخي الكريم ففي هذه المواقف
تأبى الحروف إلا ان تظهر مدا مصداقيتهابعفويه
دون تكلف من الشاعر
تحيتي والله يصبركم

أخي غرمان أحسن الله عزاءكم وغفر الله لوالدكم وأسكنه فسيح جناته آللهم آمين ..
مرثية رائعة ومؤثرة جداً فصح الله لسانك وطاب حالك ..
تقديري ..

أحسن الله عزاكم فيه ياغرمان وعظّم أجركم
ونسأله الله الرحيم ان يجعل مثواه الفردوس الأعلى من جناته
انتقل رحمه الله الى عناية الله وفي ضيافته فلا خوف عليه أبدا

أحسن الله عزاكم فيه ياغرمان وعظّم أجركم
ونسأله الله الرحيم ان يجعل مثواه الفردوس الأعلى من جناته
انتقل رحمه الله الى عناية الله وفي ضيافته فلا خوف عليه أبدا

الله يرحمه برحمته
ونسأل الله الصبر والسلوان للجميع

رحمه الله واسكنه فسيح جناته
وغفر له الذنوب والخطايا
وصح لسانك

ولك تحيتي

احبابي الكرام :-

الضاميه
بن ظافر
اتعبني غلاك
ابو خالد
ابو ريان
ابن عياش
دكتور زكريا
كبيتانو
سد الوادي


بيض الله وجيهكم وعساكم ما تشوفون بآس ولا يجيكم الشر ويارب يسعدكم ويارب طالبك ترحم والدي وتجعل له الفردوس منزلا وجميع موتى المسلمين 0

صح لسانك الصراحه قصيده فنانه

الله يصح بدنك يا ابو رافع
وعسى الله يغفر للوالد ويعوضه الجنه يا رب

الله يرحمه رحمة الأبرار :: ويسكنه فسيح جناته

وأمواتنا وأمواتكم وأموات جميع المسلمين

صح لسانك :: وسلمت يمينك

الله يرحمه ويجمعنا به ووالدينا في جنات النعيم
صح نبضك واحساسك شاعرنا القدير ..