أجمل مشاركة عَ تمرين [ الصورة ]

،


(1)




الهم طفله فقيره حضنها صار دار
تحميه من البرد وإلا البرد في جوفها

نظراتها ميته حيره وفيها إنكسار
عيونها الفاتنه تشكي لك ظروفها


المهاجر





(2)



الفقر له في وجه الأطفال رسمه
تحكي عن المجهول قصه ومشوار

وجه حزين ووجه ما فيه بسمه
وأثنينهم في في ثوب مخزونه أسرار


غرمان بن عزيز






(3)


يازمن فيك الكرامه فقيره
ما يجبّر كسرها غير الله

يالله انك ترحم قلوب صغيرة
من تجاعيد الزمان وبرد اهله


بكاء بلا دموع






(4)



للحــــزن بعيون اليتــــامى عـــــلامة
والفقر صورة في عيون المساكين

اول ضحــــايا اليتم موت ابتســامة
وآخر ســوايا الفقر طعنــة بسكين


المهندسـ






(5)



شفت بالصورة بقــايا من الجرح القديم
عجزوا اهل الطب في حينها ما عالجوه

الحــزْن والهم والغبن في عين اليتيـــم
مــا يلام اللي فقـــد عاطفة امّه وابـوه


ضيف الله العمري




(6)




الخوف في عيني وحضنك نفا الخوف
ترجف ضلوعي لين ضميّت خوفي


شاعر من بعيد







(7)



يكفي ظلام اليتم بالله يابرد
ارفق بحال صغير يحتاج ضمه

طيف







(8)



الا يا لله يا رحمن يارب الحرم والبيت
تروف بحالنا يارب يا رواف ياوالي

ضعيفٍ ما يشيل ضعيف و آآنا يائسة ازريت
جلست على الرصيف انظر واضمك يابعد حالي


ابو فهد العمري






(9)



هذا الزمن بانت مواري فصوله
والبرد عسكر والشتاء شال رتبة

ناسٍ رماها الوقت بأول نزوله
وناسٍ تعيش بروجها مادرت به

ابو ريان







(10)


الناس تلبس ليا جاها الشتاء من حرير
وانا برث الثياب ودرب ساقي حفـا..!

ياخوي لا تشتكي من هجمة الزمهرير
تري لظا صدري المحروق منبع دفـا..!


نبض






(11)



مصيبه ان صار مايدري
غطا برد او غطا ستره

ووجه من الأسى يدري
تَغطى و إنكشف ظهره

الصيـــ ( ضــــاري ) ــاد








فتحت خيّار تَصويت مُتعدد ،
مِن أجل إنصاف المشاركات ، لإني ودي اخنار أكثر من مشاركة
بس مو معناته تختارون كل المشاركات ،
كذا رح نظلم أبدااعاتهم ..

يعطيك الف عافيه وصح نبض الجميع
كثير مبدعين وأحترنا من نختار
لكن تبقى الصوره الاجمل والذائقه لها دور ..وفقكم الله جميعآ..

تم التصويت ....

تقديري لجهودك ياعظيمه......

تم التصويت

شكرا لك

تم التصويت وبالتوفيق للجميع ..
تقديري ..

تم التصويت
وترى صوت لنفسي بعد
الله يوفق الجميع..

___





ههههههههههههههههه طيووفه حبيبتي
مايصير تصوتين لنفسك الله يهديك






،

المشاركة الأصلية كتبت بواسطة تلآآآهيف العمري

___





ههههههههههههههههه طيووفه حبيبتي
مايصير تصوتين لنفسك الله يهديك






،

هههههههههه
اسحبي الصوت فديتك وأنا عارفه ماراح يأثر الصوت لاني ماراح أفوز ههههههههههه

افكار متجدده ومميزه
شكرا تلاهيف
تم التصويت ..!

فتحت خيّار تَصويت مُتعدد ،
مِن أجل إنصاف المشاركات ، لإني ودي اخنار أكثر من مشاركة
بس مو معناته تختارون كل المشاركات ،
كذا رح نظلم أبدااعاتهم ..



ممكن توضحين لنا كيف التصويت المتعدد....
مثلاً لي الحق امنح صوتي لثلاثة مشاركين شريطة ما اكون ثالثهم ولا ثاتيهم ولا أولهم فرضاً

وإذا انها كذا فشيء جميل لأن المشاركات تمتد الى 11 مشاركه وما احد يبغى يرجع بخفي حنين ...
حاولت بس مافيه غير فرصه واحده

_

ياهلا بالجميع
بالعكس طيوفه مشاركتك ماتحتاج ماشا الله
جميله وتغري الذائقة ♡


الصياد
ليش ما اخترتهم من الاول !!
لازم من اول ماتختار تختار اللي عاجبگ

🌸🌹

طيب ويش الحل ....

أعطيك الأسماء على الخاص....

تم التصويت بالتوفيق للجميع .

شكرا لك .

_


نورتوا ياللي صوتّوا .


الصياد

خلها للمرات الجايه
وهب حسگ ، لاتصوت مغمضن

صوتنا ,,,,,,,,,,,,,,, تقديري لجهودكـ دُكـ .