ربما اخ لك لم تلده امك

هذة قصيدة في الزميل سعد مهدي (ابو طلق)

البدع

ياسعد لو تباعدنا ظروف الحياة ولا سنينا
ماتضيع الجمايل والعلوم الثمينة راس مال
كم تصاحبت انا واياك للعز وادروب الشهامة
ماحدٍ في كلامة زل والا تضايق خاطرة
حول خمسة عشر عام على الطيب واعلوم الرجولة
ماتنقدت منا يابن الأجواد والا انقدتنا

الرد

مايقص الصليبة كل من يمتلك سيفٍ سنينا
دام الأمتان تثبت ضد جور الزمن مالراس مال
والكفو صقر في المرقاب يا من يرا ان الاش هامة
علم العالم اللي وسط الأسواق والا الخاطرة
مر ماقد مضا من العمر جولة وباقي يمر جولة
وانت يابو طلق تقسم لك البيض فيما قدتنا

سلمت ولا ندمت
وبيض الله وجهك يالنشمي
ابدعت وامتعت في البدع والرد
قصيدة من وافي إلى وافي
صح الله لسانك وعلا شانك
والله يديم بينكم الصحبة والمودة
تحياتي وتقديري

صح منطوقكم على هالابداع
وفقكم الله وآدام محبتكم على طاعته ورضاه
كل الشكر والتقدير لك شاعرنا القدير..

الردار ..
شاعر راقي وكلمته رفيعة المستوى دائماً ..
صح لسانك يا الذيب ودائماص الوفا لأهل الوفاء ..
تقديري ..

تبارك الرحمن الله يصح لسانك ويثبت بينكم المحبه والخير والسعد