الله أكبر كل ماخترت في الدنيـا صديـق

سلام عليكم الله يعطيكم العافية

مر عليه إلا أسبوع الماضي ظروف مرض زوجتي وبعدها أمي وكنت

متنومي في المستشفى مع زوجتي وكنت محتاج مبلغ من المال لا يذكر

حتى أروح المطار واسحب كون البطاقة منتهية وما عندي وقت أجددها يومها

طلبت من واحد اعرفه وخـدمته كثير وحتى اتصل على الزملاء يساعدونه والله

كأنني موجود ولكن للا سف.. أرسلت عليه واحد قلت اطلب من فلان هذا المبلغ لكن زد عليه

وفي عشر دقائق وصل المبلغ بعدها رحت المطار وسحبت ورجعت له المبلغ قال وش هــذا

قلت اللي استلفته منك عن طريق فلان وتركته .بحثت في ألنت عن أبيات مناسبة وجت هـذه الأبيات


الله أكبر كل ماخترت في الدنيـا صديـق
مالقيـت الاصـديـق يــدور منفـعـه
أن نصيته حزت الضيق زاد الضيق ضيق
وأن نصاني سقت دمي على شـان أنفعـه
نشهـد أن العـز بالمـال ماهـو برفيـق
في زمان(ن)راعي المـال يشـر بصبعـه
يقلط المجلس وبو وجه وحجاج(ن)طليـق
مجلسـه بوابـة البيـت ولا المـزرعـه
ـــــــــــــــــ تكملت القصيدةـــــــــــــــ

راكب اللي جهزوله على الرحلـه فريـق

بين كم لحضـه ولحضـه يحـدد موقعـه
أسود كن في جنوبه مـن المّعـه حريـق
وارد الألمـان تـوه نـزل مـن مصنعـه
حجم(((600)))ميه ولا له زفير ولاشهيـق
كنه يقرا الشرق الأوسط ولاحدن يسمعـه
منوة اللي لاغتزا به يبـوج الـه الطريـق
كنه الصـاروخ عكـس أرتـدادة يدفعـه
مابعد مـر الحريضـه ولا مـر الشقيـق
لاتعـدى الخـرج كنـه ينـزل مسمـعـه
يتجه مـن ديـرة العـز والمقصـد بقيـق
لا وصل لبقيق يعـرف طريقـه وسنعـه
يتجـه للـي ليـا جـات عنـه ماتضيـق
دام له وجه(ن) عريض(ن) وقدر(ن) يرفعه
راس ماله فعـل كـف علـى قمةطويـق
ومايهمـه يخسـر المـال ولا يجمـعـه
أبن عمي وعرفه زين ون جـت للحقيـق
ه شاعرتاقف لشعـره حـروف المطبعـه
ياعلي لامن طحنا الحصى يصبـح دقيـق
وأنت عارف وسمع الهرج ياللـي تسمعـه
ياعلـي والله بمثلـي ومثـلـك ماتلـيـق
نبتعـد عـن بعـض وقلوبنـا متجمـعـه
أدري الدنيـا تفـرق شقيـق مـن شقيـق
وأدري أن ضروف الايـام دايـم موجعـه
ودري أن الوقت من طـبّ بيـده مايفيـق
بس من هوا عزله صاحـب (ن)لايقطعـه
ياعلي عن الرسايل عسـى علمـي وثيـق
وطرح أحسن حلّ ولاضربـه ولا جمعـه
هات ماعنـدك ولا تحتمـل مـلا تطيـق
وان عرفت القصد تلقـى الحقيقـه مقنعـه
وسلام أختـام والبحـر تابـوت الغريـق
والوجيه البيض تظهر ومـن دون أقنعـه

الله الله يابن ظافر
مواقفك رائعة صراحة وإختيارك دائماً موفق لدرجة الإبداع
يعطيك ألف عافية

عنترة بن شداد..تشرفت بمرورك الغالي الله يعطيك العافية