حقيقة صالح آل سلمان

السلام عليكم ورحمة الله وبركاته
هذه قصيدة متواضعة جداً أقدّمها للأخ الحبيب صالح آل سلمان

وكما أتمنى من الشاعر الخلوق أباريان بأن يقوم بالرد عليها ليس لشيء وإنّما لفهمه القريب لموضوع القصيدة



البدع


صالح السلمان سيف وحدّه شاب شاب
سيف هند سلته لامعة ولها شبي
البطل خالي وخالي مع العالم كريم
افتدي خالي بدمي وقلبي والعيون
امتدح والقلب صادق ولالي مصلحة
فرقتنا ذالليالي وتغريب الزمان
الزمان اللي يبكي عيون قاسية
والله لو تطبق سمانا على حدالأراضي
مانبيع أصحابنا والشيم متبادلة

والشيم متبادله ... صح لسانك يالحمراني وصالح يستاهل ومجوده لن ننساهـ ...

الله الله الله الله الله الله ونعم فيك وفي خالك والله أبدعت في قصيدتك جد دخلت جو ثاني تحياتي لك ووالله مبدع يالحمراني

والله لو تطبق سمانا على حد الأراضي
مانبيع أصحابنا والشيم متبادلة

كفو يامرعي/مالها الا رجالها
وقدها وقدود يالقرم

لاعدمناك والله وكم لتلك الكلمات من أثر إيجابي

محبتي لك وتقديري

اخووك

اشاعر القدير مرعي الحمراني ......صحيت ووفيت يالذيب وصالح يستاهل والله كل خير ونحن بانتظار صاحبك وحبيبنا أبوريان الشاعر العذب

ابو محمد صح لسانك ياغالي
قصيدة لا يقولها الا الحمراني
ولو كنت شاعر
لرديت عليك ولو كان الرد في
في وادي اخر
ويستاهل ابو عبد الله اكثر والنعم
فيه وفيك وننتظر ابو ريان

هلا والله بأبو محمد والله يعطيك العافية وأنت دائماً مصدراً للروائع والقصائد
الوافية ..
أعتذر على التأخير في الرد لعدم التواجد مسبقاً ..




الــــــــــــــرد

شاعر وافي على الطيب علمه شاب شاب
آتحمس للمواقف ترى والها ش بي
والذي علمك علم الشرف علمك ريم
يا لله تكفينا شرور الحسود مع العيون ( العيّان )
من نوى بالشين قلت آسل الله يصلحه
آنا وأنتا للمواقف ترانا ملزمان
والذي ماقد عرف للقسى هوقاسية
مرحبا والنفس تطرب لكم حدالا راضي
شفت أنا بعض الطوايف تشمت بادله

والله لو تطبق سمانا على حدالأراضي
مانبيع أصحابنا والشيم متبـــــــــادلة

ديرتي جاته هدّيه على حد الآراضي ***** ( عطيـــــفه )
حتى روحي لو طلبها فأنا مـت بادله ***** ( أموت بدله )

صالح يستاهل كل خير وأنت يامرعي وافي

وسامحي أبو ريان رديت زياده ! الشقر عجبني

أخوكم

أغلى وطن

الأخ الفاضل حسن بن سعيد

أشكرك وأثمّن لك هذا المرور الرائع.

مرعي الحمراني

صح لسانك وانت تقدر وصالح يستاهل

يعطيكم العافية جميعا

صح لسانك مرعي الحمراني ولسان أبو ريان ولسان أبو وطن


وأبو عبدالله يستاهل ويستاهل أكثر

الأخ الفاضل خالد بن الوليد
أشكرك وأتمنى لك دوام التوفيق.

مرعي الحمراني تصدق اني فرحت يوم شفت اسمك فانت شاعر متمكن
بدع ممتاز ورد ممتاز وصالح يستاهل ولا فيه خلاف بين الاخوان

الاخ الغالي ابو محمد
في البدايه اقول صح لسانك
ووالله اني لم اعتبرك يوما الا اخ وغالي ولم تنزل محبتك في قلبي ولا ذره
فانت الحمراني وانا صالح وانت تعرف صالح لما يحب شخص لا يمكن يكرهه مهما صار
اقول انت شاعر ووافي المعاني والخصال الطيبه
والله يبارك فيك فقد غمرتنا بطيبك ومديحك وجمعت الحبايب في هذا الموضوع
لك خالص شكري وتقدير انت ومن رد وكل من شارك في هذا الموضوع
ابو عبدالله

الشاعر الخلوق والأخ الحبيب المسكت
بارك الله فيك وفّقك لكل خير
أشكرك وأُثمّن لك هذا المرور الكريم