%% يا الله أنا باشكيك حال الخلايق %%

يا الله أنا باشكيك حال الخلايق=حال من الضيقات والهم محّسوس
جفّت ينابيعٍ وذبلت حدايق=والعشب من زود الضماء صار ميبوس
عقب الخضار اللي كسى ذا المناطق=والغربي اللي ينعش الروح نسنوس
اتقول شبّت في عمومه حرايق=حتى غدا لونه مثلْ بنّ محموس
والقلب لامن لدّ في الأرض ضايق =هول الغبار اللي فيَ الجو مكبوس
يا الله في غيثٍ غزيرٍ يعانق=شمّ الجبال اللي لها العشب ملبوس
لا زاع نوّه محكمٍ بالوثايق=مدبول بالخيرات ماهو بمنحوس
ينعش نفوسٍ في نزوله يسابق=ادموعها قطره ليا صار منكّوس
دعوة منادٍ في دجا الليل واثق=باجابتك يالله ما هو بميؤس