الشاعر / ابو الغرام
قالـوا اشعـر قلـت ماهـو بـذا وقــت القصـيـد=والقصـيـد اقـفـى وضـيـعـت حـتــى معـجـمـه
كيف اصيغ الشعـر والحـزن فـي قلبـي شديـد=والعـلـل فيـنـي مــن الـدهـر ياكـثـر اسـهـمـه
يـوم ذاعـوا مقتـل الـفـارس الضيـغـم سعـيـد=قـالـوا إنّــه مــات وادعــوا لــه الله يـرحـمـه
يالله إنــك تقبـلـه فــي عـــلا الـجـنّـة شـهـيـد=وامنحـه مـن بحـر جـودك وخـيـرك واكـرمـه
حـن فقدنـا شـخـص مـاهـو لـنـا بـأيـة فقـيـد=شخـص فـي سيـرة حياتـه نـضـال وملحـمـة
الفهـيـم الـواعـي الشـهـم والـــراي الـسـديـد=الكريـم اللـي نـدى الطـيـب يقـطـر مــن فـمـه
مـات فالجبهـة وهـو عــن حـمـى داره يـذيـد=بـعـدمــا ودّع عـيــالــه وفـــــارق مـطـعـمــه
من صناديد الوطن وان طلـب هـل مـن مزيـد=نـدحــر الـبـاغـي ونـقـطـع خـطــاه ونكـتـمـه
عن حياضه جيش له في وغى الساحة رعيد=مـــن كـتــاب الله وسـنــة رسـولــه ملـهـمـه
نهـزم الحـوثـي وبـعـده عـلـى اتبـاعـه نبـيـد=الـطـغـاة احـفــاد ابــــو لــؤلــؤة ومسـيـلـمـة
لايـغــره وقـفــة ايـــران جـنـبـه مـــن بـعـيـد=الحـجـر يمـلـى فـــم الـكـلـب حـتــى يلـجـمـه
كلـنـا دون الـوطــن كـلـنـا الـعـمـري سـعـيـد=زيـــد والـعـبـاس وابـــن الـولـيـد وعـكـرمـة
للتحميل القصيدة بالصوت من هنا
http://file15.9q9q.net/Download/6383...-----.mp3.html