من ارشيف الذكريات عادت به مشاعركانت محنطه
الشوق في تعريف قلبي هوايه
وانا هواي الشوق لاغيمت شمس
والله وبالله لو غرامي روايه
اكتب عليهاعشق باكرمع الأمس
واكتب مؤلفهاالعنا مع شقايه
واختم نهايتها بحبك ولوهمس
الشوق
اشتاق لك شوق المسافر للاسفار
شوقن يحبك ثم يودك ويغليك
واشتاق لك شوق السفينه للإبحار
متى تحن على السفينه موانيك
واشتاق لك شوق البدو شبه النار
والنار في قلبي جفاك وتغليك
واشتاق لك شوق الغريب لثرى الدار
شوقن لوانك بالقمركان ياتيك
واشتاق لك شوق المشاعر للاشعار
ياقلب غرد دام شعرك لغاليك
واشتاق لك شوق النحل بوس الازهار
وانت الزهر بوس النحل طب يشفيك
واشتاق لك شوق الجنوبي للامطار
وامطار شعري ياخفوقي بـ اراضيك
ياليل
ياليل طال الليل والفكر محتار
ياليل مامليت كمني اناديك
ياليل كم تحضن بظلمتك الاسرار
وش عذب العشاق غير السهر فيك
ياليل علمني عن الشوق وش صار
لولا الغلا ليش اتحمل بلاويك
تدري حلمت
البارحه ياليل في حزه اسحار
حلمت في خلي وانا بين اياديك
حلمن طويييييييييل حط بالقلب مسمار
فزالخفوق وقلت يالحب لبييييك
من غبت عن عيني وانا داخلي نار
لوغبت عن عيني فلاغاب طاريك
وصحيت من نومي على دمع مدارار
ورجعت لك ياليل اسهر واحاكيك