سلام يرض الرب ويكدّر إبليس=ويلبّس الشيخان جوخ مشجرا
سلام مثل الذهب والدر النفيس=أغلى من الياقوت ومن الجوهرا
سلام يا بن سعود يا مير يريس=ربعٍ لهم جاهٍ وصيت ومنبرا
سلام يا فيصل يمين ما تقيس=إلاّ مقاس الخير ورد وصدرا
سلام من راسٍ وعقلٍ ما يهيس=يجاذب الطولات والحظ أوفرا
علي المنيفي صاحب الرأي الونيس=وعلى الرجال اللي عزّ وذرا
سلام يا الباحة ( شدا حزنة ونيس )=سلام ريحانٍ وفلّ وعنبرا
يا ديرة فيها الحسن غصن يميس=ورجالها مثل الأسود تبخترا
جينا من أبها مالنماص ومن الخميس=جينا هل الباحة وساع الصدرا
جينا وفا بالوعد في يوم الخميس=فرقة شيوخ والرجال الكُبرا
للخيّرين أخيار نحسٍ عالنحيس=دعوى رجال الحجر فيلق عسكرا
وأنتم وحن ما نسكن الدار التعيس= مانسكن إلاّ كل شامخ من قرا
حنّا جند الفهد لا حمي الوطيس=نخُل عين الخصم ونرده ورا
دون الوطن درع وجماجمنا امتاريس=نمشي قُدم ولا نحب القهقرا
شهيدنا من فرحته كنّه عريس=يدفق دمه دون الوطن ما يذخرا
وإن سار لأيام الشقا نار وحسيس=نزيد والمذنب يقول المغفرا
نجلي ظلام الظلم والليل الحبيس=من طيبة من سناة أم القرى