المال والبنون زينه الحياه الدنيا
بس لا راح البنون وش نبي بالمال
بعثريني ياحروف الشعر وابكي ياقصايد
بعثري قلبي وقلبي لوتجمـــع بعثريــــه
والله الزينه بنون ومال والدنيا مشاهـد
هـــاكــم المال الحقيراليوم مالي ماابيه
اه من جرحــن بقلبي اه ياهالجرح كايد
اشتكي قلبي لقلبي واشتكــي منـــه اليه
البنون اليوم غابووالغياب اضحى عوايد
اه يانـــوره غيابك بعثر القلب بيــديـــه
اشتاق لك وحدك
اشتقت لك ياغايبه عن عيوني
ياغايبه صوره مع صوت وانفاس
تدرين لو كل المشاعر جفوني
انتي لحالك داخلي بين هالناس
تدرين من في غيبتك يسألوني
دمعه مع همسه مع كتله احساس
تدرين كم دمعه تداعب جفوني
الياذكرتك مع هوى كل نسناس
اقــول خــلاني حشـــا مـــانسـوني
واقول يمكـــن مير ياقلب لاباس
يمكن ويمكن ويمكن ويمكن