هلا يا هاجسٍ من نجد جانا كنه الصاروخ=ذرابة نطو ويسمهر سناه ونوره الساري
فتىً منعور بالشامات لا هايف ولا مدلوخ=تقدّا الفارهات من البيوت وزين الاشعاري
تغذّا الطيب من بوه وخواله ما نشا في كوخ=ولا حدّر في أفكاره مع من حدّر أفكاري
مدحت الفيلق اللي في منصّات الشرف مبزوخ=بني عمرو أهل وقفات رفع مقدارها الباري
لصاحبهم مواثيق الوفا لوكان في صلبوخ=وللعادي ذحاذيح السموم ولذع الناري
من المطلى إلى ليّه مرابيع العنب والخوخ=تراتيل الفخر والمجد وأنا أعزف لها أوتاري
تفرعنّا على الظالم ويسمع صوتنا المصموخ=وكم راسٍ شمخ بالظلم خليناه متواري
حرامٍ يالفتى منّا ما يوقف موقف الملبوخ=يمدّ أمّ الشحم وقت المزاد وحطّم أسعاري
على هامش ندانا يبحل الطبّاخ بالمطبوخ=ومن مدة يدينا ينطلق مرهون الاعساري
وكم عذرا يظل لقلبها بين الضلوع كفوخ=إذا شافت بيارقنا لها أرتالٍ ومسياري
بيارقنا لها عن كل بيرق شمخةٍ وبذوخ=عن ابني عمرو جاك الرد وعن الشيخ بن جاري