[poet font="Arabic Transparent,4,black,bold,italic" bkcolor="transparent" bkimage="backgrounds/30.gif" border="none,4,white" type=2 line=200% align=center use=ex length=0 char="" num="0,black" filter=""]
مرت علينا ليالي وايام مرت كثيرة = أحيان عيشة هنية واحيان عيشة مريرة
تفكروا في الليالي ياهل القلوب البصيرة = واللي على طاعة الله يمسي يحاسب ضميرة
ياطير ماحلى حياتك بين الغصون الخضيرة = لاضقت ريشك يشلك بدلت ديرة بديرة
وان جيت بين المباني أو في القصور الشهيرة = مابين طاقة وطاقة الحلو تنظر سريرة
وقله اسعد صباحك ياللي جعودك نثيرة = منثرة فوق عودك مثل البحور الغزيرة
ماعاد أشكي همومي اللي بقلبي كبيرة = شكوى على غير ربي فيها مذلة وعيرة
صبرك على مابحالك ياللي تحب الستيرة = لايفرحون الحواسد أهل النفوس الحقيرة
أصبر لظلم الليالي وللظروف العسيرة = عند الله اقرب فرجها مايرحم العبد غيره


اختيار محبكم : فتى السهوه


[/poet]