جوهرة جيلة
الحب يا صاحبي لا صار من قلبك
يجعل حبيبك بعينك جوهرة جيله
لو فيه عاهة وشفته واقف قربك
كنك ملكت البلد عشبه مع سيله
ون كان حبك تجاري خاف من ربك
واقفل طريق الهوا واقطع مواصيله
وأنا اللي أغليك يا مخلوق واحبك
يا مالك القلب لا تكثر بهاذيله
بُعدك عذابي وطبي يا لغلا قربك
يا ويل قلب تولع فيك يا ويله
حاول تراجع حساباتك على حسبك
وأقدم بحبل الثقة لو ما معك حيلة
واحذر من إبليس والتفكير تلعبك
ترى الزمن ما عرفت أكمل تفاصيله
واصل وجعل السماحة يا لغلا دربك
واترك زميلك ولو كثرت مواويله
وأقول يا صاحبي ذنبك على جنبك
والعمر يطويك بين اليوم والليلة
ألا يا حمامة
ألا يا حمامة جاوبي صوتي المبحوح
وداوي فؤاد (ن) ولعت فيه نيرانه
بحكم الوفاء والطيب والمنظر المملوح
وحس القصيد اللي تغنى بقيفانه
فلا تتركينه تايه (ن) حائر مجروح
وعندك علاجه ريحي نبض وجدانه
ألا يا حمامة وين تبغين عاد أروح
وقلبي تولع فيك والروح شفقانة
دخيلك تخلي باب قلبك لنا مفتوح
وطبع المرحب يشرح صدور ضيفانه
ترى الوقت بالتدريح يا عزوتي بيروح
ويقفي ولا ذقنا حليبه ورمانه
على كل حال المعذرة يا لطيف الروح
وساعد محبك لا تخليه باحزانه
ولو طحت لجلك مقدراقول لك مسموح
وكم واحد غيري شكا جور خلانه
وعين الشقاء عانت شديد السهر والنوح
وبوح المشاعر مقدر أفسر أشجانه
أقول الهموم تزوح وتقول كيف أزوح
وصارت بقلبي يا هوا البال سكانة
لك الحس يا فاتن نثرته بكل وضوح
ومن صدق بوحه قال لك قرة أعيانه
|