رحت يم الطبيب اللي يداوي الجروحي=قال جرح الموده ما يسّر الدوابه
قلت قلبي تكلف يالطبيب النصوحي=قال طبه مع اللي ولعه واشتقابه
قلت بالله تجمل دلني وين اروحي=وين ابلقى علاجي والأداوي تتشابه
أول الليل اهوجس وآخر الليل انوحي=واعذاب المولع بالهوا وعذابه
صابني بالعيون والحجاج الذبوحي=وأحمر المبسم اللي مايعالج صوابه
منك روحي خطيرة ياحبيبي تروحي=الهوا يذبح العاشق وهو مادرابه
ليت عينك تشوف وليت مسمعك يوحي=يوم أنادي ودمعي مثل وبل السحابه
آه من واهج آه بقصى الضماير يفوحي=كل ماشرب عليه الماء يزيد التهابه
ياحبيبي علامك بالمواصل شحوحي=إرحم اللي معاك ما جابه الورق جابه
جاك علم الصحيح وراح هرج المزوحي=كل شي إلا التفرق ماحسبنا حسابه

لاباس يالمحبوب روحي تفداك =لا باس يا مضنون عيني حبيبي
ياعل ربي يا هوى البال ياقاك =من كل شر وكل جرح عطيبي
يا لتني خذت المرض عنك ما جاك =وتصير من بد الخلائق طبيبي
ترى حياتي ما تهنا بلياك =ليتك دوى من عند عيني قريبي
** ياليتني نسمة صباح بدنياك = ألثم جبينك عقب طول المغيبي
** أو ليتني طيف يزورك بممساك =واشاهدك واقول يا نفس طيبي
**بالحيل أحبك واعشقك واتمناك =يشهد على ماقول دمع سكيبي
أنا دخيلك لا تطول بفرقاك =رد لعيوني نومها أللي حريبي
لاباس يالمحبوب روحي تفداك =لا باس يا مضنون عيني حبيبي

مر بدوي صغير السن تيهان نجدي= ساجي الطرف نعسان
مر جازع وانا واقف على الباب وحدي=ما معي قط انسان
قلت من جاز لك من حدة العصر تبدي = يا قمر نصف شعبان
إنت من إنت يا من لك أعيان تسدي = إنت من أي انسان
قال أنا الهاشمي المنسوب للزين جدي = زاكي العقل سلطان
يا حرش يا ورش يا كل مخلوط وردي =يا غصين من البان
قلت هيا معي نحو البساتين نغدي= نجلي الهم الاحزان
لاني طالب جزء ولا سلم نقدي =بس قصدي بشي ثان
قصدي بقبله أطفي بها نار وجدي=واحطها بين الاوجان
قال لي خذها جبى هي طيباتك عندي=نشرب الكاس مليان