وبعدين معاكى يامصر
ايه تانى هييجى جديد
لا هنبنى فيكى قصر
ولا شايفين فيكى عيد
كل يوم حاجه بتغلا
ورُخص الانسان يزيد
كل ثانيه يجيلك وليد
وقصاده رايح 100 شهيد
بلاش تفكر
بلاش تقرر
بلاش تحلم ببكره
اصل الشريف
مش لاقى الرغيف
والحرامي مليونير
هتقولي عادى
واقولك اكيد
بقينا فى وادى
والوادى بعيد
والصيف جاى تانى
وهناخد على عينا من تانى
ولا هيبقى ميه ولا هيبقى نور
وهيبقى فطارنا هوه السحور
قالوا يا منجي من المهالك
نجينا من الزمالك
ومين ينجي ولاد الزمالك
من رصاص فى القلب شابك
الكوره فن وتشجيع
بيموت عشانها الشجيع
بلاها كوره
نشرب سجاير
وياريتها شوره
تجيب البشاير
غلوا السجاير
طب نشرب حشيش
حتى الحشيش
اسف مفيش
|