يامنبع الطيب ياسـاس الكـرم كلـه=مارحت للعـز هـو متلهـفٍ جالـك
جيتك وانا معك ... وانشد عنك عبدالله=هم العيون انهـا تسعـد وتـارا لـك
تلمـح بهـاءٍ يثيـر الفكـر ويدلـه=للرشد يوم الضياء مصدره من فالـك
جيتك من اقصى الجنوب اسعد به الطله=اصب دلـة غلايـه وسـط فنجالـك
واعلن لك ان الوفي ماخان في خلـه=وان المشاعر على الرفعة تسامى لك
حن نعرف انك بدرنـا لاكتمـل هلـه=من قبل تخطر علينـا نخطـر ببالـك
الشعب ساعة يشوفك ينبـري غلـه=الله يخليـك ويكثـر مـن امثـالـك
انا اشهد ان شوفتك لحجاجنـا فلـه=شعبك لو الامر بيده عالثـرى شالـك
اللي يحبـك سكنـه الحـب واحتلـه=واللي يعاديك يفـدى نكسـة عقالـك
المجد ريقـه نشـف ياسيـدي بلـه=بعده يحاول ومـن رفعتـك ماطالـك
عطفك على الشعب معطي للأمل سله=ممتليةٍ حـب نجنيهـا وتهـدى لـك
يوم ان جيزان ذاقت من وباء العلـه=ساويت روحك في المقـدار بعيالـك
الشعب كله علـى شوفتـك متولـه=ناظر لهم من على يمنـاك وشمالـك
يذكر لـك الطيـب ماينسـاه ويدلـه=تواضعك هو سبب عزتـك واجلالـك
ومادام مجلسـك يستفتـح بذكـر الله=فابشر بنصرٍ يزيـن كامـل اعمالـك
ان جاك شيخ كبيـر تقـوم وتشلـه=وتجلسه جانبك من قبل مـا يسالـك
وتهمس فـي اذنـه بحنيتـك وتقلـه=ماحد ٍ قبل جيتـك معلمنـي بحالـك
والا اكون جيت لك واشرب معك دلـه=اشرف على الوضع وازورك بمنزالك
فحنا نقدر ومن يحتـاج ناصـل لـه=قلي عسى الضيم ماناشـك ولاظالـك
دوك ايدي اتقومك والوضـع باحلـه=وابلغ سلامي على من تشتهي والـك
قد كان ودي يطول القـاك مـا ملـه=لكن عـذري بشيـخٍ يجلـس بدالـك
ياوالـد الفقـراء ياساتـر الخـلـه=يانصـرة الديـن بدبـارك وبقبالـك
عطفك وطيبك شملنـا دقـة وجلـه=وتبينت سيرتك من روعـة افضالـك
حتى علـى زمـرة مالديـن منحلـه=اعلنت عفوك وقلت : الويـل للهالـك
يا اعطف ملك ياوهج لحساس ياظله=الشعر تبـت يدينـه كـان ماقالـك
دامك ملكنـا حشـا ماجاتنـا الذلـه=وش لون ننهان وانت الشورنا مالـك
تواجـدك يعنـي انـا نمتلـك غلـه=نفخر بهـا وانـت يامحبوبنـا ذالـك
مسك الختام استمـع ياقايـد الملـه=هي امنيه روح في حلـك وترحالـك
لولا ان ربعي عرب ماتدمـح الزلـه=لاقول ياليتني مـن شّمـر اخوالـك
واللي عذلني بمدحـي فيـك عبـدالله=يعقب ويخسى وجعله وطيـة نعالـك

اخي حسن الله يعطيك العافيه على ما امتعتنا به
وصح لسان شاعرنا علي بن زهير
وقد نال اعجاب الجماهير والمستمعين فاتمنى له التوفيق
اتمنى له تقديم الافضل دائماً وان نراه في مصاف الشعراء المشهورين قريباً
وهذه هي البداية القوية فرحنا بها جميعاًًً
تقبل خالص الموده اخي حسن
اخوك ابو عبدالله