يامنبع الطيب ياساس الكرم كله=مارحت للعز هو متلهفٍ جالك
جيتك وانا معك ... وانشد عنك عبدالله=هم العيون انها تسعد وتارا لك
تلمح بهاءٍ يثير الفكر ويدلـه=للرشد يوم الضياء مصدره من فالك
جيتك من اقصى الجنوب اسعد بهالطله=اصب دلة غلايه وسط فنجالك
واعلن لك ان الوفـي ماخان فـي خله=وان الـمشاعر على الرفعة تسامى لك
حن نعرف انك بدرنا لاكتمل هله=من قبل تخطر علينا نخطر ببالك
الشعب ساعة يشوفك ينبري غله=الله يخليك ويكثر من امثالك
انا اشهد ان شوفتك لحجاجنا فله=شعبك لو الامر بيده عالثرى شالك
اللي يحبك سكنه الحب واحتله=واللي يعاديك يفدى نكسة عقالك
الـمجد ريقه نشف ياسيدي بله=بعده يحاول ومن رفعتك ماطالك
عطفك على الشعب معطي للأمل سله=ممتليةٍ حب نجنيها وتهدى لك
يوم ان جيزان ذاقت من وباء العله=ساويت روحك فـي الـمقدار بعيالك
الشعب كله على شوفتك متولـه=ناظر لهم من على يمناك وشمالك
يذكر لك الطيب ماينساه ويدلـه=تواضعك هو سبب عزتك واجلالك
ومادام مجلسك يستفتح بذكر الله=فابشر بنصرٍ يزين كامل اعمالك
ان جاك شيخ كبير تقوم وتشله=وتجلسه جانبك من قبل ما يسالك
وتهمس فـي اذنه بحنيتك وتقله=ماحد ٍ قبل جيتك معلمني بحالك
والا اكون جيت لك واشرب معك دلـه=اشرف على الوضع وازورك بمنزالك
فحنا نقدر ومن يحتاج ناصل لـه=قلي عسى الضيم ماناشك ولاظالك
دوك ايدي اتقومك والوضع باحله=وابلغ سلامي على من تشتهي والك
قد كان ودي يطول القاك ما مله=لكن عذري بشيخٍ يجلس بدالك
ياوالد الفقراء ياساتر الخله=يانصرة الدين بدبارك وبقبالك
عطفك وطيبك شملنا دقة وجله=وتبينت سيرتك من روعة افضالك
حتى على زمرة مالدين منحله=اعلنت عفوك وقلت : الويل للهالك
يا اعطف ملك ياوهج لحساس ياظله=الشعر تبت يدينه كان ماقالك
دامك ملكنا حشا ماجاتنا الذلـه=وش لون ننهان وانت الشورنا مالك
تواجدك يعني انا نمتلك غله=نفخر بها وانت يامحبوبنا ذالك
مسك الختام استمع ياقايد الـمله=هي امنيه روح فـي حلك وترحالك
لولا ان ربعي عرب ماتدمح الزلـه=لاقول ياليتني من شّمر اخوالك
واللي عذلني بمدحي فيك عبدالله=يعقب ويخسى وجعله وطية نعالك