نجديه هلابك
ولك الف شكر وتحيه على اختياري
واتمنى لكم رحلة سعيده بصحبتي
الان اربطوا الاحزمة
اعلن اقلاع الرحله
المتجهه من هنا الى افق الذكريات
بصحبتي
بسم الله نبدأ
اقتباس:
|
1/أول سفرة كانت..متى؟....إلى؟
|
اول سفره اذكرها كانت من الرياض الى حقل مرورا بتيوك
المفاجأه كانت صدمتي القويه من مدينة حقل ولازالت في بالي الى اليوم لاني تخيلتها شي وشفتها شي ثاني
اقتباس:
|
2/أطول سفرة كانت لمدة....؟
|
23ساعه امتدت من جده للرياض لايرلندا لنيويورك لهيوستن وكانت بعد زواجي مباشرة المشكله اني ماكنت اعرف ابو فارس زين ولك ان تتخيلي رحله بهذا الطول مع رجل بالنسبه لي غريب
3
اقتباس:
|
/أحلى بلد زرته؟...ما الذي شدكإليه؟
|
كثيره منها امريكا طبعا كل شي فيها زين
لكن الاجمل كطبيعه وتاااااااااااااخذ العقل هي جزيرة بالي في اندونيسيا
اقتباس:
|
4/لو قدر لك (عمل... مثلا) أي بلد غير بلد كنت تتمنىتعيش فيه؟
|
ما اتمنى اعيش في اي بلد غير المملكه وجده بالذات ولو اجبرت على التغيير فأمريكا بلاشك
5
اقتباس:
|
/أحلى أكلة ذقتها كانتمن....؟
|
ما احب اغامر في الاكل بصراحه اذا فيه اكل اعرف مكوناته اكلته اهم شي مايكون اكل بحري
وفي السفر انا ومكدونالدز وبيتزا هت وكنتاكي اصدقاء اعرفهم زين واكل من عندهم بثقه
خلييني اقول لك مره كانت معنا وحده تغامر وتاكل اي شي غريب
المطعم كان يقدم سي فوود فطلبت شي ما تدري وش اسمه ويقدم مع النودلز وصوص مدري ايش المهم انهم جابوه فيه اشياء لزجه وشغلات تقلب المعده
هي اكلت اول لقمه وقالت لذيذ وتغمس في الصوص وتاكل وتطالع زين الا هو ضفادع صغيره !
من بعدها صارت من اصدقاء مكدونالدز مثلي
اقتباس:
|
6/طرفة صارتلك في احد أسفارك و لازلتتذكرها؟
|
كان فارس وخواته صغار والكل يعرف غلبة الصغار والدوشه اللي تحصل قبل السفر كنا رايحين من الرياض لدبي قبل كم سنه.
كنا طالعين المطار والشنط جاهزه والجوازات والتذاكر كنت حاطتهم في شنطه خاصه علشان ماتضيع
واحنا نتجهز جات لينا وفتحت الشنطه وبتلعب فيها قمت اخذتها منها وحطيت الشنطه في شنطة السفر وسكرتها قلت الين اخلص من تجهيز اختها وبعدين اطلعها
دخلت غرفة الاولاد وانشغلت بشعر البنات ولبسهم وترتيب الغرفه بعدهم في هذا الوقت جا ابو فارس وشال الشنط وعطاهم لاخوه وخلاه يوديهم المطار ويقص البوردنج لاختصار الوقت
وطلعنا المطار وانا على بالي انه انتبه للشنطه وطلعها ولا سألت عنها
لما وصلنا المطار( طبعا تعرفون المسافه بين مطار الرياض والرياض)
قال هات الجوازات بسرعه قلت ماهي معك ؟ قال لا وينها ؟
قلت يووووه والله انها في الطياره
وبس الباقي خلوه مشفر
زياده على ان السفره تأجلت وبغت تنلغي اصلا لكن الله ستر .
اقتباس:
|
7/أجمل تذكار للحين تحتفظ به كان...؟من؟
|
كثيره واهمها عندي الصور
من كل بلد
9
اقتباس:
|
/شيء لا تستغني عنه في سفرك طبعا بعد القرانالكريم؟
|
الجوال.. اللاب توب..الكاميرا ..واوراق واقلام
10
اقتباس:
/أحلى استضافة كانت في...؟
|
مافهمت معنى السؤال لكن لكل بلد رحتها طابع مختلف ان كان في الضيافه او الترحيب او الاستقبال
كل مطارات العالم رائعه مطار نيويورك مذهل
مطار جاكرتا رهيب
لكن على قد ماشفت من مطارات ماشفت اسوا من مطار الملك عبد العزيز بجده
اقتباس:
|
12/بلد ودك تزورها إن شاءالله؟
|
كثير كثير
من الدول العربيه نفسي ازور تونس
ومن الدول الاخرى اتمنى ازور نيوزيلاندا 1
اقتباس:
|
3/كلمة(أو نصيحة) أخيرةللمسافرين؟
|
السفر متعه ونعمه من الله فاذا قدر لك السفر الى اي بلد فاحتفظ بهويتك الاسلاميه وحافظ على سمعتك وسمعة بلدك
وانقل للاخرين صوره تعكس تحضرك واستفد من كل الفرص المتاحه لك في الاطلاع والاستمتاع بالجمال والحضاره
واحتفظ بمذكره تكتب فيها اجمل ما صادفت مع صور خاصه لكل رحله
هذي هي محطتنا الاخيره في هذه الرحله التي اتمنى انها كانت ممتعه .
وغير متعبه .
قائد الرحله القادمه هو :
الاخ
(سيد الموقف )
شكرا لكم.,