يالله يا واحــد ٍ مـــا هو يموت=رب ٍ كريمٍ ويسمــع كل صـــوت
أنت الحكــــيم الحليـــم المعتلي=والنفس عـــندك تحـــط آمالها
بسمك بدينا ومطلـــبنا رضـــاك=فأنت القريب المجيـــب لمـن دعاك
أسالك الهـــم بأمــــرك ينجلي=وأهل الخــناء والدناء تغتـــالها
من بعدها لي مع المــوقف رجـال=إبطـــال وأفعــال وزحـول ٍجبال
ربعــي بني عمــرو عون المبتلي=يا ويل من قال يبغى إنــزالـــها
ربعي بني عمرو (عمرو) أبن الحـجر=شرابة المـــوت بـدو ٍوالحــضر
والتهــم فيــها النجــوم الزحلي=ونصــوب مــوت ٍ هـلك منخالها
حنا بني عمـرو لطـــامة عــداء=فينا النــواميس وعــلوم القــداء
فـــي وزن حـــرفه ولدنا وأثقلي=والمــوت سهــل أرضنا وجبـالها
تاريخنا عالـــي ٍ مثـــل العلـم =سر يا معـلم ووثـــق يا قـــلم
وبحـــر الوفاء ما تميح أبه الدلي=مهمـــا شكــا الجور جر حبالها
لنا مـع الموت وقفـــات كثــير=ويشـــدنا طبــل حـراب ٍوزير
ونشوش عند الجســام الجــفلي=من مثــل ربعي ومثل أبطـــالها
الترك هبـنا عليـــهم دايـــره=يــوم المعــابر بحــرب ٍثـايره
والتـــالي اللي على كتــف أولي=والـــروس مرفــوعةٍ بأفعـالها
قمـنا وقاموا وشـــد بنا النــزال=في يــوم سبت ٍ عرف معـنى القتال
يومٍ عبــوس ٍ ضــرير ٍممحــلي=والبــندق أزرت عـــلى نقـالها
بالنافـــعي والمعشــر والفتــيل=والقــوم بمـــدافع وركـوب خيل
فزنــا عليهــم بنصــر ٍيذهـلي=والخــيل تشـــره عـلى خيالها
وبأطراف ليّه لــنا مـوقف شـريف=غرنا وكان الطلــب عــند الشريف
فتحــت لنــا أبواب قصـر ٍقٌفـلي=ولا عـــاد له حيـــلة يحــتالها
والعـــارضه فــي بداية بن سعود=قمنا معه قــومة ٍ فيـــها شهــود
فــي مقـــدم الجيش أمير ٍفيصلي=بزحـــول جيش ٍ على مدخــالها
فيـــها دفـــنا رجــال ٍمخلصين=قـــوم ٍ بـــنو مجـدهم دنيا ودين
ولا عــاش فيـــنا الـردّي ومذللي=ويــا من جهــلنا المعــارك سألها
ذاك أبــن سلــطان جدي شيخ قوم=نال المنــيه معــه ربع ٍقــــروم
ولا دفنـــت أمجــادهم تحت الصلي=ومن قــام يبغى الشهـــاده نــالها
من أول الـــدهر ربــعي ماتـخون=من حكمــة أما نكــون أولا نكــون
عـــدونا لــه شــراب الحنـظلي=وأسـدان حـــرب ٍ ربت وأشبــالها
واليوم دخـان يشهــد مـن جــديـد=حضـــور مــن جــددوا ماض ٍتليد
سيــوف حـــق ٍ تــولـول ول ولي=فــي جــنة الخــلد يــانزالــها
تاريخ حاضـر وشــي ٍ مــن قــدم=لأبطــال عمــرين مكتـــوبٍ بـدم
شــي ٍ جــديــد ٍ وشـي ٍ أمن أولي=والقـــوم بأفعــالها ورجــالـها
أستشهــد أثنــين والثــالث أســير=والرابـــع مفقــود فـي حكمة قدير
نعطــي ومــن مثــلنا حظه عليّ=ولا نحســب المعــركه وأهــوالها
ولبنــي عمــرو لو كتبت آلفين بيت=ما ظنــي أوفــي لهــم مهما وفيت
وقلبــي بعشــق القبيــلة ما سلي=ويخيــب فكــر ٍ كتب مـا أوفى لها
ومـــن دون ربعــي مـزابين الظفر=صبـــيان عمــرين فــي كـر ٍوفر
نظمــت شعــري كمــا نظـم الحلي=قبـــيلة ٍ بالــدمي نســـخي لـها
وأيضـــا القبــايل لــها في كل حال=مــواقف ٍ فالجنـــوب وفالشـمــال
ولــو بنكــر النــاس جبـت المقتلي=والكلمــة تحســب علــى من قالها
لا . لا يهمــك عــوى كــلاب الخلي=حنا لــها يا وطــن حنــا لــها
ويا مــوطن العــز يخــسا من عداك=بــأرواحــنا الطــاهـره حنا فداك
وأعــلامنا مــا تهــز أوتنـــزلي=ما دامــت الــروس تحت أعقالــها
وبسمــي وبســم القبيـلة على الملاء=نعــاهــدك يــا ملكــنا عالــولاء
واللــي يعــاديــك لازم يخــذلــي=وأكــبر هــزيمه يجــر أذيــالـها
وختامها المســك يا مســك الختــام=آلــف الصــلاة عالنبي وآلف السلام
شفيعــنا يـــوم حشـــر ٍ ممتـلي=والخــلق فـــي حالـة يــرثى لها