يا مصور أفلام همي لا تمنتجها =
خل الهموم الدفينه في شراييني
كتمتها عالبشر وش له تخرجها =
أرضى وهجها ولا تظهر وتبديني
هموم دنياً تدرجني وأدرجها =
وضحك وأنا داخلي وده يبكيني
وسومح أرتال هم ٍ جاء يعوجها =
من كل همه يعذبني ويشقيني
صحيح قوة جروحي من معالجها =
والموت في كفه اللي به يواسيني
سلمت له قلب روح ٍ قام يسهجها =
حتى نوت رمي رسنه والقضاء شيني
من بعد ما كان شمس النور فالجها =
أصبح كما حالك الظلمه على عيني
والبادي أظلم ونفس الظلم ما أحوجها =
للعطف لا جيت تبغى تقضي الديني
أنا أشهد أنه عنيد وحيل سمجها =
حتى قتل كل شي ٍ كان يرضيني
وما دام ناوي العناد ونفسي أحرجها =
لا والله إلا عسى ربي ينجيني
لا عاد يشره عليّ الله يفرجها =
في ذمتي ما بقى شي ٍ يسليني