البارحه جاني من الخل مرسال
........ وانا اشهد اني مابعد شفت زيّـه
يـبث لي شوقه /كما مزن همّال
.........كن الغضي جازم/ وناوي عليّه
شيئ يقال وشي من الصعب ينقال !!
..........( كل سطور الرساله شاعريه )
يقول يا قلبي ترى الحب مازال
........ والبُعـد اعـياني /.. وأثـّر عليّه
شفت البلاوي /والمصايب / والأهوال
........عايش كما الرحّـال بليّا هـويّه !!
بين الفيافي وبين (ا)سهول وجبال
........ يشق درب التيـه/ .. يبغي خـويّه
يسبق زمانه ناسفٍ كل عرقال
........ (ا)محـمـلٍ بالذكـــــريات النـــديّه
الوجد زاده /.. وناويٍ كسر ما حال
....... لا همه البُعـد/ ومهـاوي المـنيّه
هذا نديبي جاك يا خل بالحال
....... اسلم وسلّم.. واحتري منك جيّه !!
رديت انا يا مرحبا بذرب الافعال
........ لك الولـه/.. واشـواقي السـرمديّه
لك يا حسين الدل يا طيّب الفال
.......جاك الغلا/..وقلبي /..وروحي هديـّه
ان كنت شاريتي / ..فانا العد والجال
....... ارويك من حـــبي/ حــياةٍ هـــنيّه
تستاهل اللي حُبها خير منزال
........دفى شـتايه/.. ولا لفى القيظ فيـّه
البارحه.. جاني من الحب مرسال !!
....... و ازريت انا بالحيل على الرد زيـّه !!
|