منتديات بني عمرو - عرض مشاركة واحدة - فتاة سعودية تقود سيارة في شوارع الرياض !!

10-21-2005, 12:06 PM

لا حول ولا قوة إلا بالله ..

تقولوا الكلام اللي يزعّل .. وبعدين بكل براءة تقولوا ... لا أحد يزعل ..

كل كلمة في الموضوع تحتاج لنقد ... لكني بتكلم عن الفكرة الأساسية للموضوع ..

ماني عارفة ليش الاستهتار الشديد والاستهزاء الأشد في كل مرة بالمرأة .. في كل شي ..

تفكيركم داااااااايم إن المرأة لازم تكون بالبيت وبس ..

يا أخي النساء في كل مكان بالعالم دحين يسوقوا سيارات ..

وفيهم اللي متحجبة وملتزمة ومو باين إلا مكان صغييير جداً لعيونها وفيهم اللي مش متحجبة ..

ماحد سوا سواتكم ولا تكلم كلامكم ... ولا استهزؤا بنسائكم مثلكم ..

هذا معناه إن هالشي بيصير هنا في بلادنا احنا وبس ... والسبب رجاااااااااااااالنا ...

دام انتوا عارفين طريقة الشباب ... وطريقة خبث الشباب ...

ليش تلقوا باللوم علينا ... ؟؟ ليش تخلوا قيادتنا للسيارات هي السبب في قلة أدب وفساد الشباب ؟؟

قسماً بالله إن كثر كلامكم في هالموضوع ما يسيء إلا لكم انتوا ... ما يسيء إلا لرجال المملكة ...

إنتوا تسيئون لنفسكم بكلامكم هذا انتبهوا .... بطلوا كلام في شي بيصير بيصير غصب عنكم ...

سواءً شئتوا أم أبيتوا بيطلع القرار ... عاجلاً أم آجلاً بيطلع القرار ..

دحين الزوجة هي السبب لأنها تبغى تروح دوامها ..

وبتضطر تغيب لأن زوجها الموقر مريض وغايب ؟؟

طيب هو لو كانت هي مريضة بيغيب ؟؟؟ طبعاً لا ... بس هي إيه تغيب ..

ايش هالظلم والاستبداد ... ؟!!!!!!! وهذا في حالة إنه مريض ..

وفي حالات ثانية برضو ماتروح لأنه ... ما يبغى يوديها ... كيفه ... هو حر ... هو رجال ... !!

إنت طبعاً عارف ياخوي إن في كثير رجال يعنّدوا على زوجاتهم ... ؟؟

يخلي فكرة إن يوديها أي مشوار جائزة تقديرية .... !!

وعقاب لو خالفت الأوامر ... يعاقبها بإنه مايخرّجها وبعضهم ما يخاف الله وحتى بيت أهلها ما يوديها

لا تقولي هذي حالات نادرة

أبيك تعرف إن الرجال اللي ينفذوا طلبات زوجاتهم في كل مكان هم اللي نادرين

والله إن قيادة السيارات بترحم المرأة من ظلم واستبداد وقهر الرجال ...

ومرة ثانية أرجع وأقول ...

إذا صار أي شي للمرأة هنا أثناء قيادة السيارات فالسبب هو

النظرة المتخلفة من بعض الرجال السعوديين لحد دحين للمرأة ..

ولا تكلمني من الناحية الشرعية ولا الدينية ...

وتقولي فساد والمرأة بتفسد وبتكون السبب في فساد الشباب ومن هالكلام

أصلاً ثلاث ارباع الشباب فاسدين ويفسدوا بلد ... وماهم منتظرين أحد يفسدهم ...

روح شوفوهم ايش يعملوا لما يسافروا برااا ... مناظر مخزية ... قسماً بالله انهم يكسفوا ...

وليش برا ... هنا ... وانتوا كلكم عارفين ...

ولاّ يعني .. هو من الناحية الدينية إنها تركب مع سواق وما معها أحد ؟؟؟

والبنات ... اللي تبغى تنحرف ولا تفسد ... ترا ماراح تنتظر سواقة السيارات ياخوي ..

انتوا كأنكم مانتوا حاسين ايش قاعد يصير بالدنيا ..

أو إنكم عارفين ... بس بتطنشوا ولا إيه ماني فاهمة ..

ياناس ... ياناااااااااااااس بطلوا كلام في هالمواضيع اللي تسيء لكم انتوا قبل لا تسيء لنسائكم ..

عموماً يا أخوي الأشقر ..

ومو بس الأشقر ... الكلام للكل ...

تكلموا مثل ماتبون ... تكلموا ... فضفضواااا ...

طلعوا كل اللي بقلوبكم وانتقادكم لفكرة قيادة النساء للسيارات ..

بالنهاية ... القرار بيطلع ...

وبنسوق سيارات ...

وأحسن من سياراتكم بعد ...

قال ساقت سيارتها على بركة الشيطان ... قال !!

لا حول ولا قوة إلا بالله ..

والله إن الشيطان حط رحاله بهالموضوع !!