هنا اكتب ببعض الجرئه المجازيه
لقاء الأرواح
تلاقـــت انفــاسي مـــع انفــاس خلـــي
في حــــزه العشق الــــذي غيب عقــول
رحبــت ثـــــم رحبت وازيـــد اهلـــــــي
يامرحبا باللي بـــه البال مشـغـــول
فـــاح العطــروالعطــرروحـــن تحــلــي
والقلب يشهق واصبح العقل مشلـول
وضميت مــــن عقــب المعاتب حصلـــي
لمـــه وداد وضمـــتن فـــاقــت القول
يالمـــــه ذراعـــــه حــــلا حـــول ضلـــي
وحكي الشفايف ريق بالحب معسول
وسريت يامســـرى الغـــلا وين اولــي
لبيــه ثـــم لبيه بالعرض والطـــول
طــاح العقال وتهت مــاعـــاد ادلـي
تاه الكلام وضعت مااعرف وش اقول
مع صوت جوالي صحى العقــل باللي
ضيـــع بحبه عقلـي وصـــرت مخبول
وناضــــرت حـــولي وانا واقف محلي
ياهيه هذا حــلــــم ماهوب معقــــول
ضحكت مــن حــالي لحـــالي وش اللي
خلي خفوقــي يركــب الغيم ويصول
اثــره مجــرد حلــم وانــا امتســـلي
فــي حــزه العشق الذي غيب عقول