منتديات بني عمرو - عرض مشاركة واحدة

#1 12-18-2012, 07:33 PM

كليب حل الزير في دم جساس
والزير قال النصر حق ... علينا
دوج سنين وقال للموت (لا) باس
ورموه ربعه في عجاج السنينا
كسرت يمينه بعد ما جات ف الراس
ضربة خطل والقهر جاله حنينا
كابر ودور نصر تسمع به الناس
وثر الخيانه من شمال و يمينا
قلب سلاح كليب مالق له فاس
تركت غثا من كثرها ما تبينا
واضغاث حلم(ن) ما يفسر وينقاس
وفلاس هقواة(ن) تفتر يدينا
بقي كذا يبغا الغنيمه ومحتاس
سنين حتى قال يا محسنينا
وتراجعت الامجاد من ذل حراس
وخيانة(ن) من وسط بيته ولينا
والزير من ماجاه عود على الكاس
يثمل بخمر(ن) ما ينسيه دينا
يمشي وظهره منكسر كسر يباس
والناس تشمت ضاع دنيا و دينا
ومن بعد ما هو شيخ لطيب نبراس
عود بظلم اهله وربعه حزينا
ذي قصة(ن) مدري حقيقه على ساس
ولا خيال(ن) من غلام(ن) فطينا
اهم شي اللي قريته بقرطاس
لا من ذكرته جاء بصدري ونينا
ما هو من اللي قد قريته لجساس
الهم خوفي (لا) يطبق علينا