سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
انا بذكره ماصله خاطري ضاق
باقو به الأصحاب والوقت باقه
وصار الضحيه بين باير وبواق
|
بعض العرب مايعرفون الصداقه
يجفاك بالضيقه وياتيك لاراق
وبعض اصدقاك تود لحظه فراقه
ماتعرفه الا لياضقت اوضاق
والبعض والله ماعليهم شفاقه
سود الدواخل وان بدا الوجه براق
والا الحضيض اللي حضي بالرفاقه
الكاملين بحسن دين(ن)وبـ اخلاق