معقول باقي من الشهر .. 10 أيام ؟؟
معقول راحت منه .. 20 ليلة ؟؟

شفتوا أجل ..؟؟ .. مرت بنا مثل الأحلام
مامن جديد .. وكلّـن يعيش جيله !!

اللي معانا العام هـ العام ... ما صـــام
منهو ضمن مستقبله ... وش يجيله ؟؟

كذا الحياة .. تمرّ عام ٍ ورى عام !
كم فرّقت بين الخليل ... وخليله !!

شف الليالي .. كم تقضـت بـ الأعوام ..
وحنـا نقول أن الليالي . طويله !!

ياهوه .. صحصح عندنا لك .. خبر هام
نصّ الأماني .. في الحقيقة .. قتيــــله !!

دنياك هذي حزن وجروح .. وأوهام ..
ومالك على دنياك .. مكر وحيـله !!

كم واحد ٍ .. ودّع حبيبه وسط خام ..
وعلى حبيبه .. حدّر الدمع ... سيـله !!

بكى فراقه .. !! .. مرّت أيام مانام !!
بكى .. وروحه من فراقه عليـله .!!

لكن .. نسى .. إنه كذا .. بعد أيام ...
نفس الأيادي .. يمّ قبره تشيـــله !!

يارب عفوك .. قبل تلتف الأقــدام ...
يوم الخليل .. يخون .. عشرة .. خليله !!

ويارب ثبـّـتنا .. على دين الإسـلام ..
واللي خذاه الطيش تهدي سبيـــله !!

أقولها .. والعمر .. لو طال مادام .
وإعرف سنين العمر ياخي قليله ..!!

والحين .. باقي من الشهر .. 10 أيام ..
طالبك عوّض فيه 20 ... ليله ..!!

العمر ذا فآني .. ولا شگ تدرون !!
لا بد اصير بيوم ..[ذگرى قديمه ].!
تگفووون .. لامن غبت ياخوان تدعون !!
يارب ترزقها .. [ الجنان العظيمه ].!