مايفعل هذه الحركات والتصرفات الا المراهقين والمرهفين((الدلوخ بشكل عام))
رحت زواج لناس في الديره امة محمد قعدة على الكراسي
شوي الا ونشوف واحد اقصد وحده لابسه بنطلون اسود اوسع من خط البلده ورابطه من عند خصرها حزام عشان مايطيح البنطلون
والبلوزه قميص ابيض اكمامه طويله ومشمره طلعت على المنصه وقعدة على كوشة العروس اناظر هذي في عقلها وش تبغا قاعده هنا والمشكله اهل العريس والعروسه شوي وياكلونها يبون يقومونها بس ماقدرو جتني بنت اخت العروس قالت تعالي كلميها بجد انا كنت خايفه اول مره اشوف وحده من بنات بني عمرو بهذا الشكل قلتلها اسفه هذا ولد قالت لا والله انها بنت حتى شوفي كفوفها ودققي في ملامحها
رحت بس ربي يعلم ان قلبي ماكان معي من قوة الخوف لانها في مثابة الرجال قدامي ويوم وصلت عندها سلمت وردة وهي مبققه عيونها شوي وتطلع سكت انا مدري كيف اوصف نعومة شكلها وكفوفها وصوتها لاكن خربتها بالقصه واللبس والاسلوب الوقح ((هذا عندهم لازم اذا بتسيرين بويه لازم تكونين وقحه زي الاولاد))هذا معتقدهم هم المهم قالتلي وش اسمك قلت قبل لاتعرفين وش اسمي ليش قاعده هنا قالت ابي اشبع عيوني في الصبايا (((((((من جد ولد))))))))قلت طيب تحت على الكراسي ماتشوفينهم قالت الا بس هنا اقدر اميز جمالهم قلت طيب اهل الزواج متضايقين بوجودك هنا قالت ماعلي منهم محد قالهم يعزموني؟؟؟؟صدمه صح!!
ماامداني بروح الا وتجي وحده كبيره في السن مو مره وواضح على شكلها الضعف والطيبه الا تنادي مي تعالي ياقلبي ؟؟طلعت بنتها البويه واسمها مي؟؟قاعده اقول ياربي وش ناقصها يوم اعترضت على خلق ربي
اعطاها هالجمال وام حنووونه وش باقي ابي وتنزل مي وتسلم على امها وتروح معها وعيني ماانشالت من عينها من قوة الصدمه والمشيه الكتوف بارزه والخطوات متباعده ولجزمه وانتو بكرامه سبور
يعني شي يخووف
ومرض خطير صاب بنات المسلمين
انا ماقهرني ولا رفع ظغطي الا من البنات اللي يقلدون ((شجون الهاجري جزء من راسها محلوق حلاقه والجزء الثاني مقصوص الى رقبتها شفتو كيف الشكل شفتو كيف حنا&& نعاج &&كل من سوى حاجه جديده قلدناه
وين الااهالي عن بناتهم وين؟؟
ما اقول الا حسبي الله على كل من يرى احد من اهله على منكر ولايغيره
ابو بندر اطلت في الهرج موضوعك مهم جدا لاكن مامن مجيب
الف شكرا
وعذرا على الاطاله
تقديري
|